Aizaia 45:19 - Edo Bible (E Baibol Ẹdo) Version 1996

¹⁹ I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Aizaia 45:19 ပူးပေါင်းရင်းမြစ်များ

I Krọnikol 28:8

“Rhunmwuda ọnii nian wa ne emwa mwẹ, vbe odaro Osanobua mwa kevbe asi koko ọghe ivbi Izrẹl hia na, I yan tae ma uwa nian ne uwa gha rhie owẹ lele emwi hia ne Nọyaẹnmwa ne Osanobua mwa yi ẹre iyi ne ima, ne otọe ne ọ maa na miẹn ehe na gha re ọghe uwa khian, ne uwa vbe fiẹe ye orre ni gha rri ukhu uwa otọ rhinrin ẹdẹ.”

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Ẹzra 8:22

Ekhue ma gunmwẹ nọ ọgbaisi wẹ ne ọ viọ ivbiyokuo ne ima ne iran gha su ima khian, rhunmwuda mẹ tama rẹn nẹ wẹ te Osanobua fiangbe, emwa hia ni mu ẹtin yan rẹn, sokpan, ọ ghi gha mu ohu emwa hia ni fi iyeke gbe ẹe, ọ ghi gha rri iran oya.

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 24:6

Iran na ọrọre emwa ni bu Osanobua dee, ni die odaro Osanobua Jekọb.

Psalm 69:13

Sokpan zẹ vbe ọghomwẹ, mẹ gha na erhunmwu ghe ruẹ Nọyaẹnmwa, Osanobua, zẹ ẹmwẹ wanniẹn mwẹ, vbe ẹghẹ ne ọ khọn ruẹn. Zẹ ẹmwẹ wanniẹn mwẹ rhunmwuda wẹ mu ẹẹn sẹ ighe eyan ruẹn wẹ u gha miẹn ọmwa fan.

Psalm 69:32

Iran ne a zẹ kpokpo gha miẹn ọna, ẹko gha rhiẹnrhiẹn iran. Ọna gha rhie igiẹdu ne iran ni ga Nọyaẹnmwa.

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Itan 1:21

Ọ tọn urhu mu gha tie emwa vbe onurho ẹvbo kevbe ehe ne emwa ghi na gbe ẹbu ọ wẹẹ,

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 30:5

“Te Osanobua mu ẹmwẹ ne ọ khare sẹ. Te ọ yevbe asa ne emwa hia ni lẹ gbinna ẹn.

Itan 8:6

Wa danmwehọ ẹmwẹ umamwẹ mwẹ, ẹmwẹ ne I ta ma uwa hia, te ọwa kei.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 43:12

I ta emwi ne ọ gha he sunu yotọ, I na gha dee do yi uwa obọ. Ẹbọ ne a gho ọghe avbe orhunmwuyẹn, ọkpa i he rrọọ ne ọ he ru ọna wa ọrọre osẹe mwẹ.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Aizaia 65:9

I gha fiangbe ivbi Izrẹl ni re ẹwae ọghe Juda vbọ, ivbi uniẹn iran ọ re ọ ra yan otọe mwẹ ne uhunmwu oke. Emwa mwẹ ne a hannọ zẹ, ni vbe gha ga mwẹ, ọ re ọ ra yin evba.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Emọs 5:4

E Nọyaẹnmwa tama ivbi Izrẹl wẹẹ, “Wa bu mwẹ gha dee, wa gha di agbọn ya.

Iyẹn ne ọ Maan Ọghe Jọn 18:20

Jesu wanniẹn wẹẹ, “Azagba ọre I na ma emwa hia emwi, uwu Ọgua ediọn kevbe ọgua Osa ọre I na sirra avbe Ju ma emwa ni si koko ye evba emwi. I ma he do ta ẹmwẹ ọkpa ẹdẹ.

Iyẹn ne ọ Maan Ọghe Jọn 7:26

Ghe vbe ọ wa guan vbe azagba, a ma miẹn ne ọ rri ọre unu! Wẹ wẹ i re te avbe olotu ghi rẹn vbe ẹmwata ighe rẹn ọrọre Mẹzaia?

Iyẹn ne ọ Maan Ọghe Jọn 7:28

Ugbẹn vbe Jesu ghi ma emwa emwi vbe Ọgua Osa, ọ keghi tọn urhu mu kha wẹẹ, “Wa gele rẹn mwẹ, rẹn ehe ne I ke re ra? Sokpan mẹ ma ya ẹtin obọ mwẹ rre. Sokpan ọmwata ọre ọmwa ne ọ gie mwẹ khin. wa ma rẹn ọnrẹn.

Diuteronomi 29:29

“Oro eso rrọ ne Nọyaẹnmwa ma he rhie ladian, sokpan, ọ rhie uhi ẹre ladian nẹ, te ima kevbe emọ ne ima gha biẹlẹ, gha ya ẹe gha ru emwi ẹdẹdẹmwẹdẹ.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Jems 4:3

Wa gha nọ, ẹ i vbe sẹ uwa obọ rhunmwuda, emwi ne ọ ya uwa nọ rẹn, ẹ i ma, emwi ne uwa gha ya gha zẹ ọkpowẹ, ọre uwa họ rẹn.