Aizaia 45:15 - Edo Bible (E Baibol Ẹdo) Version 1996

¹⁵ Osanobua Izrẹl ne ọ miẹn emwa rẹn fan, Osanobua ne ọ rhiegbe lẹre nọ.

Aizaia 45:15 ပူးပေါင်းရင်းမြစ်များ

Job 10:13

Banbanna nian, I do rẹn wẹẹ, te u wa do mwamwa emwi ne u gha ru mwẹ re ke ẹghẹ nii gha dee.

Job 23:3

Vbọrrọ nian wẹ I rẹn ehe ne I gha na miẹn ọẹn kevbe wẹ I rẹn vbene a ya sẹ ehe ne ọ ye hẹ.

Job 23:9

Osanobua winna nẹ vbe odẹ Okuo kevbe Ekẹn, sokpan, mẹ ma he miẹn ọẹn.

Psalm 44:24

Vbua ghi na rhie aro lẹre ne ima hẹ yi? Ghẹ mianmian oya kevbe ukpokpo mwa.

Psalm 68:26

“Wa rho Osanobua vbe ehe ne avbe emwa rẹn ni do iko ye wa rho e Nọyaẹnmwa wa ne ivbi uniẹn ẹ Jekọb hia!”

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 19:20

Ena ghi gha re ama ne a ya rhie ma wẹ e Nọyaẹnmwa ne Oghodua rre otọ Igipt. A gha miẹn wẹ, a wọ emwa ni rre evba uhunmwu, iran na kpetie e Nọyaẹnmwa wẹ ne ọ yi iran obọ, ọ ghi gie orhiọnkpa ne ọ ya miẹn iran fan.

Aizaia 43:11

“Mẹ ọkpa kẹkan ọrọre Nọyaẹnmwa, ọmwa ọkpa kẹkan ne ọ gha sẹtin miẹn ruẹn fan.

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Iyẹn ne ọ Maan Ọghe Jọn 13:7

Jesu wanniẹn tama rẹn wẹẹ, “U i he sẹtin rẹn otọ emwi ne I ru banbanna, sokpan u gha rẹn otọ ẹre vbe okiekie.”

Iyẹn ne ọ Maan Ọghe Jọn 4:22

Wa ne ivbi e Sameria ma mobọ rẹn ọmwa ne uwa ga. Ma ne Ju rẹn ọmwa ne ima ga rhunmwuda obọ avbe Ju ọre imiẹnfan ke rre.

Iyẹn ne ọ Maan Ọghe Jọn 4:42

Iran tama okhuo nii wẹẹ, “Ẹ i re rhunmwuda ẹmwẹ ne u tae ọre ima na ghi yayi nian, emwi ne ọ ya ima yayi ọrọre wẹ ma tobọ mwa họn ẹmwẹ ne unu ẹnrẹn, ma rẹnrẹn vbe ẹmwata wẹ, rẹn ọrọre Ọmiọnmwafan agbọn.”

Iwinna 13:23

Jesu, ọkpa vbe ivbi e uniẹn Devid na, ọre Osanobua rhie ya ru Ọmiọnmwafan Izrẹl ne emwa rẹn zẹ vbe ne ọ yan rẹn.

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.