Aizaia 45:13 - Edo Bible (E Baibol Ẹdo) Version 1996

¹³ Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Aizaia 45:13 ပူးပေါင်းရင်းမြစ်များ

Ẹzra 1:3

Osanobua ne ọ yaba uwa hia ni re emwa rẹn. Wa ghi do gha rrie Jerusalẹm ne uwa ya dọlegbe bọ Ọgua Osa ọghe Nọyaẹnmwa ne Osanobua Izrẹl, Osanobua ne a go wan vbe Jerusalẹm.

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Aizaia 13:17

E Nọyaẹnmwa khare wẹẹ, “I gha bọọ avbe ivbi e Medis yọ ne iran dekun e Babilọn. Iran i zẹ ye ẹmwẹ esiliva, a i vbe sẹtin ya igoru danmwẹ iran ghe.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 41:2

“Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Aizaia 41:25

“I hannọ orhiọnkpa ne ọ rre odẹ ahọ zẹ nẹ. I gha ru ẹe ne ọ ya la odẹ okuọ suẹn igbinna. Te ọ ya owẹ rrilo irriegie mu otọ, vbe ne a khakha ighẹ ọrho iran khin, zẹ vbene ọmakhe ya owẹ rrilo obuẹ.

Aizaia 42:6

“Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 45:2

“Mẹ tobọmwẹ ọ re ọ ra zẹẹ odẹ ne uẹn I ghi gha guọghọ avbe oke nekhua sotọ deba avbe oke negiẹrẹ I gha guọghọ avbe ẹkhu ẹrọnmwọ sotọ I ghi rẹnkhẹn avbe ogba ematọn ni rrọọ.

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 52:5

Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.