Aizaia 44:9 - Edo Bible (E Baibol Ẹdo) Version 1996

⁹ Iran hia ni mannọ amazẹ, emwa oya iran khin avbe ẹbọ ne iran ghe gẹdẹgbẹ i zẹdẹ mwẹ esa, iran ni gho avbe ẹbọ na, emwa ni rhu aro, ni ma rẹn ne a ye, ọ re iran khin, a gha fa iran hia a.

Aizaia 44:9 ပူးပေါင်းရင်းမြစ်များ

II Ọba 19:18

ọ na giẹn ẹbọ iran an, ẹbọ ne ẹ i re ẹbọ hiehie gberra avbe amazẹ erhan kevbe okuta ne emwa ne agbọn ye obọ ru.

Psalm 115:4

Esiliva kevbe igoru ọ re a ya ru ẹbọ iran, emwi ne a ya obọ emwa nagbọn ru.

Psalm 115:8

Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

Psalm 135:18

Te iran ni ru iran, kevbe iran ni mu ẹtin yan iran, gha a ye vbe ne amazẹ ne iran maẹn ye.

Psalm 97:7

Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 42:17

Iran hia ni mu ẹtin yan avbe amazẹ ni tie avbe amazẹ emwi ne iran gho ekhue gha mu iran, a gha fa iran an.”

Aizaia 42:18

E Nọyaẹnmwa khare wẹẹ, “Wa danmwehọ wa ne ayin ehọ! Wa ziẹn aro yọ, wa ne arhuaro!

Aizaia 43:8

Osanobua khare wẹẹ, “Wa tie avbe emwa mwẹ ye iko. Iran mwẹ aro sokpan te iran rhu aro, iran mwẹ ehọ sokpan, iran i họn ẹmwẹ!

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 44:11

Emwa hia ni gho ẹre a gha ru iran emwi oya, avbe emwa ni ru amazẹ, emwa nagbọn kẹkan ọ re iran khin, iran ma vbe gberra vberriọ. We ne iran gha dee ne iran do mudia ye erhan ẹzọ, iran gha runran, ekhue ghi vbe mu iran.

Aizaia 44:18

Emwa vberriọ akpa ni i sẹtin rẹn emwi ne iran ru ọ re iran khin. Iran yin ehọ iran yin ẹwaẹn, iran ma ghi sẹtin rẹn emwi ne ọ re ẹmwata.

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Aizaia 45:16

Te ekhue ra gha mu iran ni ma amazẹ hia a gha fa iran hia a.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 2:26

E Nọyaẹnmwa khare wẹẹ, “Zẹ vbene a ya oya ne oyi vbe a gha mu ẹẹn, erriọ zẹẹ, ọ re a ra ya oya ne uwa ne ivbi Izrẹl hia avbe ọba uwa, kevbe avbe ekhaẹmwẹ kevbe avbe ohẹn kevbe avbe akhasẹ.

Daniẹl 11:38

Ye ihe ọnọna, ọ gha ya ọghọ ne ẹbọ ne ọ sẹtin mu odin ẹvbo mwẹ ne ẹbe ghẹ rre. Ọ ghi ya igoru, esiliva kevbe avbe ikpẹrọnmwọ, kevbe emwi ihaoko ni ghan hia gha zẹ ọhẹ gie avbe ẹbọ ne avbe erha ẹe odede ma gho.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 4:28

Wa ghi vbe gha ga ẹbọ ne a ye obọ emwa ne agbọn ma, ẹbọ ne a ya erhan kevbe okuta ma, ẹbọ nẹ ẹ sẹtin bẹghe ra ne ẹ họn ẹmwẹ, nẹ ẹ i sẹtin rri evbare ra ne ọ hẹn ẹwia.

Giọgis 10:14

Wa ya tu ma avbe ẹbọ ne uwa zẹe. Wa gha la ẹmwẹ, wa gie iran miẹn uwa fan.”