Aizaia 43:5 - Edo Bible (E Baibol Ẹdo) Version 1996

⁵ Ghẹ fian afianma, I rrọọ yaba ruẹ! “Ke odẹ orrie ne ọ rrei sẹẹ ehia, I gha viọ emwa ruẹn gha die owa.

Aizaia 43:5 ပူးပေါင်းရင်းမြစ်များ

Psalm 106:47

Miẹn ima fan, Nọyaẹnmwa Osanobua mwa, ne u viọ ima werriegbe ke uwu ẹbu avbe uhunmwu ẹvbo ladian, ne ima miẹn ehe na kpọnmwẹ ẹse ne a rho eni ruẹn ne ọ huanrẹn.

Psalm 107:3

Ọ keghi vbe viọ uwa werriegbe ke ẹvbo ẹrrẹe gha dee, ke odẹ ahọ rre kevbe orrie ke okuọ rre kevbe odẹ ekẹn rre.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 41:9

I viọ uwa ke ehe ne agbọn sẹe gha dee I tie uwa ke okhiẹ ọre ne ọ rrei sẹ rre, I keghi tama uwa wẹẹ, ‘Ọguọmwadia mwẹ ọ re uwa khin.’ I ma he uwa, sokpan, te I zẹ uwa.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 44:2

Mẹ ọrọre Nọyaẹnmwa ne ọ yii uwa, ke ne a ya biẹlẹ uwa gha dee, te I gha yi uwa obọ wa ghẹ fian afianma, eguọmwadia mwẹ ọ re uwa khin emwa mwẹ ne I hannọọn zẹ ne I ho ẹmwẹ ọnrẹn.

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 49:18

Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 54:7

“I sẹ uẹ rae vbe ovbi ẹghẹ kherhe aho ẹmwẹ ọmwa ne ọ dinmwi ọre I ra ya dọlegbe rhie ruẹ werriegbe.

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 23:7

“Ẹghẹ dee,” erriọ Nọyaẹnmwa khare, “Ne emwa i ghi ra na gha ye eni mwẹ vẹn ihẹn zẹ vbe Osanobua ne ọ rrọọ ne ọ viọ ivbi Izrẹl ke Igipt ladian rre.

Jerimaia 23:8

Sokpan iran ghi gha ye eni mwẹ vẹn ihẹn zẹ vbe Nọyaẹnmwa ne ọ viọ ivbi Izrẹl ke odẹ okuọ rre kevbe avbe otọe ọvbehe ne I te zagha iran kui gha dee. Ẹghẹ nii, iran ghi do gha rre otọe iran?”

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 3:18

Izrẹl gha deba e Juda, iran ghi gba ke iwe gha dee, ke ẹvbo ne ọ rre odẹ okuọ nii gha dee, iran ghi gha die ẹvbo ne I mu ne avbe erha uwa odede ne ọ gha re ọghe iran ẹdẹdẹmwẹdẹ.”

Jerimaia 42:11

Wa ghẹ ghi gie ohan ọba e Babilọn mu uwa ọvbehe. I gu uwa rrọọ. I gha vbe miẹn uwa fan hin obọ ẹtin ẹnrẹn rre.

Jerimaia 51:46

Wa ghẹ gie awẹawẹ ne uwa họn ya egbe wọ uwa ra ne ohan gha mu uwa. Ukpukpo ọ re awẹawẹ ughughan ya zọ ladian, awẹawẹ ọghe uyinmwẹ ikẹtin vbe otọe nii, kevbe ẹghẹ ọba okpa ne ọ gu ọba ọvbehe khọn.

Joẹl 3:7

Eban na nian, I ra ya viọ iran ke ehe ne uwa khiẹnnẹ iran kui gha dee. I gha vbe ru uwa emwi ne uwa ru iran re.

Maika 2:12

“Sokpan, mẹ gha si uwa koko, wa ne ivbi Izrẹl ni ghi kẹe. I gha viọ uwa kugbe zẹ vbe ohuan ne ọsuohuan viọ di owa ohuan. Zẹ vbe otọe ne aranmwẹ na rri irunmwu, ne ọ vuọn ne ohuan, emwa gha dọlegbe vuọn otọe uwa.”

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Iyẹn ne ọ Maan Ọghe Luk 13:29

Emwa gha ke odẹ ahọ kevbe orrie, odẹ okuọ kevbe ekẹn rre, iran ghi tota gha rri evbare vbe Arriọba Osanobua.

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.