Aizaia 43:22 - Edo Bible (E Baibol Ẹdo) Version 1996

²² E Nọyaẹnmwa khare wẹẹ, “Sokpan, te ẹmwẹ mwẹ khan uwa, Izrẹl, wa ma ghi ga mwẹ.

Aizaia 43:22 ပူးပေါင်းရင်းမြစ်များ

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Psalm 79:6

Werriẹ aro ohu ruẹ da avbe uhunmwu ẹvbo ni i ga a, ghe avbe emwa ni i na erhunmwu ghe ruẹ.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Jerimaia 10:25

Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.

Jerimaia 2:5

E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Maika 6:3

E Nọyaẹnmwa khare wẹẹ, “Wa ne emwa mwẹ, de emwi ne I ru uwa re. Vbe I ya khian uwa ihẹ hẹ yi? Wa zẹ mwẹ wanniẹn mwẹ.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?