Aizaia 43:13 - Edo Bible (E Baibol Ẹdo) Version 1996

¹³ Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Aizaia 43:13 ပူးပေါင်းရင်းမြစ်များ

Job 10:7

U rẹnrẹn wẹ I ma rria abe. Ọmwa ne ọ gha sẹtin wọlọ mwẹ hin obọ ruẹ rre, ẹ i rrọọ.

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Job 9:12

Ọ ghi gha rhie emwi ne ọ khọn rẹn, ọmwa ne ọ wẹ ẹre dobọyi i rrọọ. Ọmwa ne ohan giẹe nọ rẹn wẹ, “Vbe u a ru yi?” ẹ i rrọọ.

Psalm 102:28

Avbe ivbi mwa gha rrọọ vbe ai mwẹ ẹbe, kevbe wẹ, rhunmwuda ighe wẹ ọre ọ tan obọ gue iran avbe ivbi iran gha rrọọ zẹ vbe emwa ne ẹkun sẹ ọre otọ.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Psalm 90:2

Vbe uwẹ te do yi avbe oke ra u te do ru ẹe ne agbọn gha rrọ wẹ ọrọre Osanobua etẹbitẹghori wẹ ọ re ọ vbe ra gha re Osanobua ẹdẹdẹmwẹdẹ.

Psalm 93:2

Ke omuhẹn gha dee, te ẹkete ruẹ wa de ziẹn gbain, Nọyaẹnmwa, wẹ rrọ nẹ ẹghẹ te do suẹn.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Itan 8:23

Okaro ọ re e Nọyaẹnmwa na yi mwẹ, vbe ẹghẹ okaro, vbe agbọn te suẹn.

Aizaia 14:27

E Nọyaẹnmwa ne Udazi tae ne ighe te irẹn ra ru emwi na. Ọ niẹn obọ ẹre ladian nẹ ne ọ ya rri emwa oya, ọmwa okpa i rrọ ne ọ gha sẹtin da ẹre obọ yi.

Aizaia 41:4

Gha ọ ru ẹe ne ọna na sunu yi? Gha ọ tae yotọ vbene emwi gha sunu hẹ? Mẹ ne Nọyaẹnmwa rre evba vbe omuhẹn. Mẹ ne Nọyaẹnmwa Osanobua gha vbe gha rre evba vbe ufomwẹ.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Aizaia 46:4

Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Aizaia 47:15

Emwi ne ọ maa ọkpa ne iran ra ru ne uẹn ọ re ọnii khin avbe iweuki nii ne u gha lẹ bu yo vbe ẹdẹ agbọn ruẹn hia. Iran hia gha sẹ uẹ rae, iran ghi khian okhian ọghe iran ọkpa ighi vbe kẹe vbọ ne ọ gha miẹn ruẹn fan.”

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Hozia 2:10

I gha sirra avbe ọse ne ọ zẹlẹe bannọ ọẹn ruan, ọmwa ọkpa ne ọ gha sẹtin wọlọ ẹe hin mwẹ obọ rre, ẹ i rrọọ.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Habakọk 1:12

E Nọyaẹnmwa, ke omuhẹn fẹẹrẹ gha dee, wẹ ọrọre Osanobua. Wẹ ọrọre Osanobua mwẹ, nọhuanrẹn kevbe etẹbitẹ. Nọyaẹnmwa, Osanobua kevbe ọmwa ne ọ degue mwẹ hin ẹbe rre, wẹ hannọ ivbi e Babilọn zẹ, u keghi ya iran wegbe ne iran miẹn ehe na gha rri ima oya.

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Diuteronomi 28:31

A gha sirra uwa gbele ẹmila uwa, sokpan, unu uwa i dekan aranmwẹ ọnrẹn. A ghi sirra uwa silo ekẹtẹkẹtẹ uwa kpao vbene a i ghi na vbe dọlegbe viọ iran gie uwa. A gha viọ ohuan uwa ne avbe eghian uwa vbene uwa i na miẹn ọmwa ne ọ gha ye uwa obọ.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Jọsua 2:2

Ọba Jẹriko keghi họn ẹmwẹ na wẹ ivbi Izrẹl eso rri ẹvbo na nasọn ne iran do ba otọe na ghe.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.