Aizaia 43:12 - Edo Bible (E Baibol Ẹdo) Version 1996

¹² I ta emwi ne ọ gha he sunu yotọ, I na gha dee do yi uwa obọ. Ẹbọ ne a gho ọghe avbe orhunmwuyẹn, ọkpa i he rrọọ ne ọ he ru ọna wa ọrọre osẹe mwẹ.

Aizaia 43:12 ပူးပေါင်းရင်းမြစ်များ

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 37:7

E Nọyaẹnmwa gha ru ẹe ne ọgbaisi họn ẹmwẹ eso ne ọ gha ya ẹe werriegbe gha rrie ẹvbo ẹre, evba ọ re Nọyaẹnmwa gha na ru ẹe ne iran gbe ẹe rua vbe odọ.”

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Aizaia 55:4

I yae ru ọkaolotu kevbe ne ọkhaemwisẹ yan avbe uhunmwu ẹvbo. Obọ ẹre ọ re I la rhie ẹtinmwẹ ma iran.

Diuteronomi 32:12

E Nọyaẹnmwa ọkpa ọ re ọ su emwa rẹn vbene iyobọ ẹbọ ẹrrẹe i na rrọọ.

Diuteronomi 32:16

Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.