Aizaia 42:9 - Edo Bible (E Baibol Ẹdo) Version 1996

⁹ Emwi ne I ta yotọ ọ re ọ do sunu na banbanna nian, I gha vbe ta ọvbehe ọghọgbọn ma ruẹn vbe iran te do gha sunu.”

Aizaia 42:9 ပူးပေါင်းရင်းမြစ်များ

I Ọba 11:36

I gha sẹ ẹwae ọkpa rae ne ovbi e Solomọn ne a miẹn ehe na miẹn wẹ ẹ i mwẹ ovbi e Devid ne ọguọmwadia mwẹ ma gha khaemwisẹ vbe Jerusalẹm ne ẹvbo ne I mẹ zẹe kevbe ehe ne a na ga mwẹ.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Aizaia 48:3

E Nọyaẹnmwa tama Izrẹl wẹẹ, “Ọ kpẹre ne I ghi ta emwi ne ọ gha sunu yotọ. I keghi vbe ru ẹe vbe udomwurri ne ọ sunu.

Aizaia 48:5

Ọ re I na tae yotọ ke ẹkpo nii gha dee vbene ẹdẹ agbọn uwa ra gha ye hẹ, a ghi taa emwi yotọ ọ ke do sunu, ne uwa ghẹ miẹn ehe na kha ighe amazẹ kevbe ẹbọ uwa ọ re ọ ru ẹe ne iran na sunu.

Aizaia 48:6

“Avbe emwi ne I taa yotọ hia sunu nẹ nian ọ kere ne uwa miẹnkue nian wẹ emwi ne I taa yotọ hia, ẹmwata ọ re iran khin. Banbanna nian, I gha ta avbe emwi ọgbọn ni he dee, emwi ni gha sunu, ne I ma he ka ta yi.

Iyẹn ne ọ Maan Ọghe Jọn 13:19

I ta ẹmwẹ na ma uwa nian vbe ọ te do sunu, a i rẹn vbe ọ gha ghi sunu ne uwa miẹn ehe na rẹn wẹ, ‘Mẹ Tobọ Mwẹ Nọ.’

Iwinna 15:18

Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”

Jọsua 21:45

E Nọyaẹnmwa keghi mu eyan esiesi ne ọ yan ma ivbi Izrẹl hia sẹ.