Aizaia 42:6 - Edo Bible (E Baibol Ẹdo) Version 1996

⁶ “Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Aizaia 42:6 ပူးပေါင်းရင်းမြစ်များ

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Aizaia 32:1

Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 41:13

Mẹ ọrọre Nọyaẹnmwa, Osanobua ruẹ, I rhie iwegbe ne uwa, I keghi tama uwa wẹẹ, ‘Wa ghẹ mu ohan, I gha yi uwa obọ.’ ”

Aizaia 41:2

“Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Iwinna 26:23

Wẹ rẹ e Mẹzaia gha rri oya, ọ ghi vbe do gha re ọmwa ne okaro ne a gha huẹn kpaegbe vbe idin, ne ọ do ta ẹmwẹ uwanmwẹ imiẹnfan ma avbe Ju kevbe iran ne ẹ i re Ju.”

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 7:2

Ebraham keghi wa emwi ne ọ gu ẹe ye ihe igbe, ọ na viọ obọkpa nẹẹn vbọ. (Emwi ne a mobọ ya Mẹlkizẹdẹk kha ọrọre “Ọba Ẹmwata.” Rhunmwuda ne ọ na vbe re ọba ọghe Salẹm, emwi ọvbehe ne a ghi vbe ye eni ẹnrẹn kha keghi re “Ọba ọghe ọfumwegbe.”)

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Hibru 8:6

Sokpan vbene ọ ye na, a mu iwinna ohẹn ne ọ kpọlọ sẹẹ ọ ghe iran ẹsẹse ne Jesu nẹ, zẹ vbene ile ne irẹn mwamwa ẹn ye ẹkpo Osanobua kevbe emwa ne agbọn, vbe maa sẹ, rhunmwuda, emwi ne a ve ne ọ vbe maa sẹ, ọre a hẹnhẹn ọẹn yan.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.