Aizaia 42:5 - Edo Bible (E Baibol Ẹdo) Version 1996

⁵ Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 42:5 ပူးပေါင်းရင်းမြစ်များ

Gẹnẹsis 1:1

Vbe omuhẹn, vbe Osanobua yi agbọn kevbe emwi hia ni rre iso.

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Job 27:3

vbe uwu ẹghẹ ne Osanobua gha rhie mẹ ya hiọnrọn sẹ,

Job 33:4

Orhiọn Osanobua ọ re ọ yi mwẹ ọ na vbe rhie arrọọ mẹ.

Job 34:14

Osanobua gha rhie uhiọnrọnmwẹ arrọọ werriegbe,

Psalm 136:6

Ọ bu agbọn na yan uhunmwu amẹ etẹbitẹ ọ re ahoẹmwọmwa rẹn khin.

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Aizaia 37:16

“E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Aizaia 40:12

A gha miẹn ọmwa ne ọ gha ye atataobọ mwa amẹ okun ra ne ọ ya obọ mwa iso? A gha miẹn ọmwa ne ọ gha ya ukpu mu ekẹn ne otọe, ra ne ọ ya omwa mwa avbe oke nekhua kevbe negiẹrẹ?

Aizaia 40:22

Ọmwa ne ọ tota ye ẹkete ẹre ọ re ọ ru ẹe vbe odukhunmwu agbọn, a ghi gberra iso, emwa ni rre ototọ ye giẹnrẹn vbe iranmwẹ ọ tan agbọn zẹ vbe ukpọn ne a taẹn zẹ vbe owa ukpọn ne ọ mwa ra dia.

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 40:28

Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Jerimaia 10:12

Ẹtin ẹnrẹn ọ re Nọyaẹnmwa ya yii otọe ẹwaẹn ẹnrẹn ọ re ọ ya yii agbọn, ọ kevbe niẹn iso ne ọ vbẹ.

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 38:16

E Zedekaia ne Ọba keghi rhunmwuda ọnii yaan ma mwẹ vbe ẹkhokho wẹẹ, “I ya Osanobua ne ọ rrọọ vẹn ihẹn, Osanobua ne ọ rhie arrọọ ne ima wẹ mẹ i ra gbe uẹ ua ra ne I siọ rhie fi iran obọ ighẹ iran ni ho ne iran gbe uẹ ua.”

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Emọs 9:6

Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.

Iwinna 17:25

Ẹ i vbe vbabọ emwikemwi, a ma wẹ ne emwa gha winna viọ emwi gi ẹe ugbẹn vbe a miẹn wẹ rẹn ọre ọ rhie arrọọ, uhiọnrọnmwẹ ke emwi ọvbehe hia ne emwa hia.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.