Aizaia 42:24 - Edo Bible (E Baibol Ẹdo) Version 1996

²⁴ Gha ọ zẹẹ Izrẹl obọ ne iran ni fu emwi yi? E Nọyaẹnmwa tobọ ẹre nọ, ọmwa ne ima ru orukhọ ghe! Ma ma yin vbene ọ gie mwa, ra ne a gha ru vbene ọ ma ima ẹre.

Aizaia 42:24 ပူးပေါင်းရင်းမြစ်များ

II Krọnikol 15:6

Ẹvbo ọkpa kegha zẹ ẹvbo nọkpa owẹ, ore ọkpa kegha zẹ ore nọkpa owẹ rhunmwuda, Osanobua keghi si ọlọghọmwa kevbe omẹ ye iran egbe.

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Psalm 81:13

Vbọrrọ akpawẹ emwa mwẹ gha danmwehọ mwẹ; vbọrrọ akpawẹ iran gha họn ẹmwẹ mẹ!

Aizaia 30:15

E Nọyaẹnmwa ne Udazi, ọmwa nọhuanrẹn Izrẹl tama emwa ni wẹẹ, “Wa werriegbe rre, ne uwa hẹko mu ẹtin yan mwẹ. Ẹghẹ nii, wa gha wegbe, wa ghi vbe gha re ne ẹkun sẹ ọre otọ.” Sokpan, wa he ne uwa ru vberriọ.

Aizaia 42:23

A gha miẹn ne ọ gha ghi danmwehọ ọna vbe uwu uwa ra? Wa gha gbe ehọ kotọ danmwehọ ke ẹghẹ na kpao ra.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Jerimaia 44:10

Sokpan, do sẹ ẹdẹnẹrẹ na, wa ma ye mu egbe rriotọ. Wa ma he ye ya ọghọ mẹ ra ne uwa gha ya uhi ne I yi ne uwa kevbe avbe erhan uwa odede ru emwi.

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Diuteronomi 32:30

Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.