Aizaia 42:22 - Edo Bible (E Baibol Ẹdo) Version 1996

²² Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Aizaia 42:22 ပူးပေါင်းရင်းမြစ်များ

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Aizaia 1:7

Iran rẹnkhẹn ẹvbo uwa a, a vbe giẹẹn avbe okpẹvbo uwa sotọ. Vbe sirra uwa avbe orhunmwuyẹn mu uwa otọ, iran keghi vbe rhia emwi hia a.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 18:2

Avbe ukọ ẹvbo ghi gha ke ẹvbo nii ya okọ ne a ya irunmwu do lele e Naẹl rre. Iran ghi gha werriegbe yo owa iran. Avbe ukọ ne okhian kẹe! Wa ya ta uhunmwu ne a gie uwa re gie ẹvbo uwa ne ẹzẹ ghae ye inu ihe ne ọ khin, ẹvbo uwa nii ne ọ wegbe ne ọ vbe mwẹ ẹtin, gie avbe emwa ruẹn ni taẹn, ni vbe mwẹ egbe nọ rriẹe, ne emwa hia mu ohan rẹn vbe otọ agbọn na.

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Aizaia 24:22

Osanobua silo avbe ọba koko ye uwu uvun zẹvbe oleghan. Ọ gha khui iran ye uwu ẹwẹdọ rhinrin ọ te do sẹ ẹghẹ ne a gha ya rri iran oya.

Aizaia 24:3

Agbọn gha zanzan an, ọ ghi la ọrhiae rrie. E Nọyaẹnmwa tae nẹ, te ọ ru ẹe.

Aizaia 36:1

Ọ ghi rre ukpo ne ogiwenẹ ne Hẹzekaia rriọba vbe Juda, e Senakẹrib ne ọgbaisi Asiria keghi mu okuo la avbe ẹvbo ne a gba odin gaa vbe Juda, ọ na khọn iran miotọ.

Aizaia 42:23

A gha miẹn ne ọ gha ghi danmwehọ ọna vbe uwu uwa ra? Wa gha gbe ehọ kotọ danmwehọ ke ẹghẹ na kpao ra.

Aizaia 42:7

U gha rhan aro avbe arhuaro, u ghi fannọ iran ni tota ye ẹwẹdọ ne ọ so ebiebi kua.

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Aizaia 5:29

Avbe ivbiyokuo ni rrọọ tulo vbe avbe oduma ni gbe aranmwẹ nẹ, te iran ghi vbe dadae rrie ehe ne ọmwarhọkpa i na sẹtin miẹn iran ẹre.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 56:9

E Nọyaẹnmwa tama avbe uhunmwu ẹvbo ọvbehe nẹ wẹ ne iran gha dee zẹ vbe aranmwẹ akọn ne iran do gbele emwa irẹn re.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Jerimaia 52:31

Vbe ukpo ne Ivomẹrodak rriọba e Babilọn, ọ keghi ru ọba Jehoiakin ọghe Juda ẹse, ọ na fan ẹẹn hin ẹwẹdọ rre. Ọna ke gha re vbe ikpẹdẹ isẹn yan ugie ọghe uki ne ogiweva vbe ukpo ne ogba vbe ihinrọn yan ọgban ne a mu e Jehoiakin oghunmwu kpao.