Aizaia 42:20 - Edo Bible (E Baibol Ẹdo) Version 1996

²⁰ Izrẹl, aro ruẹ miẹn buan sokpan de emwi ne u ghi miẹn ruẹ vbọ? U mwẹ ehọ ne a ya họn ẹmwẹ, sokpan de emwi ne u he gele họn?”

Aizaia 42:20 ပူးပေါင်းရင်းမြစ်များ

Psalm 107:43

Wa gie avbe umẹwaẹn mu avbe emwi na roro, ne iran miẹn kue wẹ, aho ẹmwẹ ọmwa ne ẹ i beghe ọghe Nọyaẹnmwa gele rrọọ.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 58:2

Ẹdẹgbegbe ọ re iran ya ga mwẹ, iran ghi vbe kha wẹ iran ho ne iran rẹn vbene I ru emwi hẹ, kevbe ne iran vbe gha ya uhi mwẹ ru emwi. Iran khare wẹ, iran ho ne I yi uhi ẹmwata ne iran, kevbe wẹ te ọ wa bọbọ iran egbe ne iran gha ga mwẹ.”

Aizaia 6:9

Ẹre ọ na tama mwẹ wẹ ne I ya ta uhunmwu na ma avbe emwa nii wẹẹ, “Vbene ọ rhirhi a khọn uwa ne uwa rhie aro yotọ sẹ, wa i ra rẹn emwi ne ọ sunu.”

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Ezikiẹl 33:32

Vbe aro iran, wẹ ma zẹdẹ gberra ọmwa ne ọ so ihuan ighogiẹ ọghe ẹmwẹ okpia vbe okhuo ne ọ kpe akpata. Iran danmwehọ ẹmwẹ ne u ta hia, sokpan ọkpa i rrọ ne iran ya ru emwi vbọ.

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Matiu 13:13

Ọna ọ zẹẹ ne I na ya itan gu iran guan. Rhunmwuda, iran rhan aro rua ye otọ gha ghe emwi, sokpan iran i bẹghe ẹre. Iran ghi rhie ehọ ye otọ, sokpan iran i họn ra ne iran rẹn otọ ẹmwẹ nii.

Ebe ne Pọl gbẹẹn gie emwa Rom 2:21

Wẹ ne ọma emwa ọvbehe emwi, vbe ọ zẹ ne u ma na ma egbe ruẹ re? U kpe orhu kha wẹ, “Wa ghẹ rha,” wẹ tobọ ruẹ vbo, wẹ rha ra?

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.