Aizaia 42:16 - Edo Bible (E Baibol Ẹdo) Version 1996

¹⁶ “I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 42:16 ပူးပေါင်းရင်းမြစ်များ

Psalm 94:14

E Nọyaẹnmwa i ra he emwa rẹn yotọ, rẹn i ra fi iyeke gbe iran ni re ọghọe.

Asan-Ibo 1:15

U i sẹtin dia emwi ne ọ gọ nẹ, u i sẹtin ka emwi ne ẹ i rre evba.

Asan-Ibo 7:13

Roro avbe emwi ne Osanobua ru nẹ. De ọmwa ne ọ gha sẹtin dia emwi ne Osanobua ru nẹ wẹ ne ọ gọ?

Aizaia 26:7

E Nọyaẹnmwa, wẹ ọ re ọ gie odẹ rrie ne emwa esi, odẹ ne iran la khian ye kpẹghẹ.

Aizaia 29:18

Ogha sẹ ẹdẹ nẹdẹrriọ, ayenhọ gha họn vbe a gha tie ebe ladian avbe arhuaro ni ka rre uwu ebiebi yi, gha rhan aro ua, iran ghi vbe dẹghe.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 32:3

Ehọ kevbe aro iran gha rhan yotọ ye emwi ne avbe emwa gualọ.

Aizaia 35:5

Arhuaro gha bẹghe odẹ, ayin ehọ gha họn ẹmwẹ.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Aizaia 40:4

Wa ran avbe iya hia, wa vbe guọghọ avbe oke nekhua sotọ. Avbe oke gha khian otọe ne ọ rriẹe a ghi ya ẹvbo ne kpannọkpannọ khian ne kpẹghẹ.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Aizaia 41:3

Ọ zẹ iran khu, ọ kegha khian vbe a i mwẹ ẹbe, okhian kẹ ọ re sẹrriọ wẹ ọ yevbe ne ẹ i ya owẹ kan otọ.

Aizaia 45:2

“Mẹ tobọmwẹ ọ re ọ ra zẹẹ odẹ ne uẹn I ghi gha guọghọ avbe oke nekhua sotọ deba avbe oke negiẹrẹ I gha guọghọ avbe ẹkhu ẹrọnmwọ sotọ I ghi rẹnkhẹn avbe ogba ematọn ni rrọọ.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 48:17

Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Aizaia 54:13

“Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Ezikiẹl 14:23

“Ẹghẹ nii u gha na rẹn wẹ emwikemwi ne I rhirhi a ru, ọ mwẹ emwi ne ọ sii ẹe ne ọ na kei!” E Nọyaẹnmwa ne Udazi guaan nẹ.

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.

Hozia 2:6

Rhunmwuda ọnii, I ra ya ẹti igban gba ogba ga ẹre. I ghi gbe ekẹn ya ran odẹ ọre.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.

Iyẹn ne ọ Maan Ọghe Luk 3:5

A gha ran ugboghodo hia. A gha guọghọ oke nekhua kevbe ne giẹre hia sẹ otọ. A gha dia odẹ ni gọe hia. A ghi rriẹ urodẹ ne kpannọkpannọ hia.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.