Aizaia 42:15 - Edo Bible (E Baibol Ẹdo) Version 1996

¹⁵ I gha dunmwu oke negiẹrẹ kevbe nekhua I gha kaka irunmwu kevbe avbe erhan hia a I gha ya iya avbe ẹzẹ khian ato, I ghi si avbe odighi amẹ ka.

Aizaia 42:15 ပူးပေါင်းရင်းမြစ်များ

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Aizaia 41:15

I gha ya uwa ru uhanhan ne a ya wiẹn emwi ne a halọ ise ọgbọn ni mu yi, wa gha wiẹn oke nekhua, wa gha rhia iran an. Avbe oke negiẹrẹ wiẹghua khian ebubẹ.

Aizaia 44:27

I ya ukpẹmwẹ ọkpa ne I tae sii okun ka.

Aizaia 49:11

“I gha zẹ odẹ ne ọ vbee fian avbe oke nekhua rra, I gha dọlọ odẹ yi yotọ ne emwa mwẹ la.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Ezikiẹl 38:19

Uwu ohu nọkhua ne ọ mu mwẹ ọ re I na tae na wẹ igbohiotọ nọkhua gha sunu vbe Izrẹl vbe ẹdẹ nẹdẹrriọ.

Ezikiẹl 38:20

Avbe ehẹn kevbe ahianmwẹ hia, avbe aranmwẹ hia, nekhua ke negiẹrẹ, emwa nagbọn ni rre ehe hia gha guọ zighazigha rhunmwuda ohan mwẹ ne ọ mu iran. Avbe oke nekhua gha dele guọghọ ua, avbe oke ni ye gelete gha rẹnkhẹn uan, avbe ekẹn ne a gbe hia gha siẹn kua.

Hagai 2:6

“Vbe ọ ma he kpee wan, I gha mu ẹrinmwi rueghe, kevbe agbọn otọe kevbe okun.

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 16:12

Iyeke ọnii, odibosa ne ogiehan keghi hihiẹ ọkpan ẹnrẹn yan ẹzẹ Yufretes. Ẹzẹ nii keghi wa ka, ne avbe ọba ni ke ọlarre ovẹn dee miẹn ehe la.

Arhie Maan 16:18

Ayan kegha yan rhai rhai, avan nukhunmwu kegha vannọ yan egbe, deba igbohiotọ ọhanabe. A ma he miẹn egbe igbohiotọ na ke ne a bu agbọn tua agbọn, ọnọna ọre ọ he re igbohiotọ ne ọ rhia sẹ ehia.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.