Aizaia 42:11 - Edo Bible (E Baibol Ẹdo) Version 1996

¹¹ Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Aizaia 42:11 ပူးပေါင်းရင်းမြစ်များ

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Aizaia 12:5

Wa so ihuan ghe Nọyaẹnmwa rhunmwuda iwinna nọkhua ne ọ winnaẹn wa gie otọ agbọn hia họn ẹmwẹ na.

Aizaia 16:1

Emwa e Moab keghi mu oteghe ohuan ke Sẹla rre, ne ọ rre ato ya haa oko gie iran nikhaemwisẹ vbe Jerusalẹm.

Aizaia 21:16

Ẹre Nọyaẹnmwa na tama mwẹ wẹẹ, “Ọ gha wa rre ukpo okpa zẹẹ ukpọlọmwẹ ọghe ẹwae e Keda gha sẹ ufomwẹ!

Aizaia 32:16

Ohiẹn ẹmwata kevbe uhunmwu ẹmwẹ ghi do khian ne a ta vbe otọe nii.

Aizaia 35:1

Ato gha ghọghọ, avbe obobo gha rhan vbe avbe otọe ne ọ dihoi rua nii.

Aizaia 35:6

Arọ gha san ghe odukhunmwu, ọ ghi gha kuu. Iran ni i sẹtin guan gha davan ne oghọghọ. Amẹ ẹzẹ ne ọ lẹ, gha lẹ la adesẹ ato.

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Aizaia 43:19

Wa rhie aro yotọ gha khẹ emwi ọgbọn ne I khian ru, ọ wa sunu nẹ wa gha sẹtin bẹghe ẹre nian! I gha zẹ odẹ la adesẹ ẹgbo, I ghi vbe viọ ẹzẹ ne ọ lẹ ne uwa vbe evba.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 49:31

‘Wa larre! Wa gie ima ya hẹrhu iran ni ro ighẹ iran i ghi rre uwu ẹbe, ẹkun sẹ iran otọ nẹ. Ẹvbo iran i mwẹ ẹkhu ne a yi yọ, ra emwi ne a ya khui ẹre, ẹi vbe mwẹ emwi ne a ya degue ọ re hiehiere.’

Ezikiẹl 27:21

Ivbi Arebia kevbe iran ni khaemwisẹ yan Keda kevbe ya ivbi ohuan, iye ohuan kevbe ẹwe ha osa.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.