Aizaia 42:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 42:1 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 72:4

Te ọba gha sẹtin gha bu ohiẹn ẹse ne avbe ivbiogue. Te ọ gha ru iyobọ ne ne ẹ i mwẹ ne obọ ẹre vbe gba avbe eghian iran.

Psalm 89:4

‘Ovbi uniẹn ruẹn ọ re ọ ra gha rri ọba khian. I gha gbe ẹbe gue uniẹn ruẹn ni rri ọba ẹdẹdẹmwẹdẹ!’ ”

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 32:16

Ohiẹn ẹmwata kevbe uhunmwu ẹmwẹ ghi do khian ne a ta vbe otọe nii.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 41:9

I viọ uwa ke ehe ne agbọn sẹe gha dee I tie uwa ke okhiẹ ọre ne ọ rrei sẹ rre, I keghi tama uwa wẹẹ, ‘Ọguọmwadia mwẹ ọ re uwa khin.’ I ma he uwa, sokpan, te I zẹ uwa.

Aizaia 42:2

Rẹn i ra go ra ne ọ tọn urhu mu ra ne ọ gha vannọ guan vbe adesẹ ore.

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 52:13

E Nọyaẹnmwa khare wẹẹ, “Ọguọmwadia mwẹ gha miẹn ọ dunnaẹn vbe iwinna ne a wa ne ẹẹn; a gha ya ọghọ nọkhua ne ẹẹn.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Hagai 2:23

Vbe ẹdẹ ne ẹdẹrriọ, I gha rhie uwẹ e Zerubabẹl ne ọguọmwadia mwẹ. I gha ka uwẹ uhe ye aga ne u gha ya eni mwẹ khaemwisẹ. Wẹ ọrọre ọmwa ne I zẹe.” E Nọyaẹnmwa ne Oghodua ta ẹe nẹ.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Iyẹn ne ọ Maan Ọghe Luk 3:22

Orhiọn Ne Ọ Huanrẹn mu ikinnegbe yọ, ọ yevbe idu, ọ keghi rhuẹ yan rẹn. Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ovbi orrọ, ọyẹnmwẹ ruẹ sẹ mwẹ.”

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Luk 4:19

ne I vbe ta ẹghẹ ne Nọyaẹnmwa gha ya miẹn emwa rẹn fan ladian.”

Iyẹn ne ọ Maan Ọghe Luk 9:35

Urhu ọkpa keghi ke uwu okuku nii ladian wẹẹ, “Ọnọna ọre Ovbi mwẹ ne I hannọ zẹ, wa miẹn ere ẹmwẹ ye ehọ.”

Iyẹn ne ọ Maan Ọghe Jọn 16:32

Ẹghẹ dee, ọ wa vbe sẹ otọ nẹ ne a gha na zagha uwa hia kua, edọmwadẹ ọghọe ghi gha rrie owa ẹre, wa ghi sẹ mwẹ rae ọ ghi do kẹ mẹ ọkpa kẹkan. Sokpan ẹ i khian gha re imẹ ọkpa rhunmwuda, Evbavba gha mudia ke mwẹ.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Filipai 2:7

Sokpan rẹn keghi ya ekhọe obọ ẹre kuẹ ehia ye otọ, ọ na rhie egbe ye ihe ọguọmwadia, ọ keghi do ye vbe ọmwa kẹkan.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

I Pita 2:4

Wa bu Nọyaẹnmwa gha dee, rẹn ne ọ re okuta ne ọ rrọọ, ne iran ne emwa he wẹ, ẹ i mwẹ esa ne ọ ye, sokpan ne Osanobua zẹẹ, zẹ vbe emwi ighobioye.

I Pita 2:6

Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”