Aizaia 41:9 - Edo Bible (E Baibol Ẹdo) Version 1996

⁹ I viọ uwa ke ehe ne agbọn sẹe gha dee I tie uwa ke okhiẹ ọre ne ọ rrei sẹ rre, I keghi tama uwa wẹẹ, ‘Ọguọmwadia mwẹ ọ re uwa khin.’ I ma he uwa, sokpan, te I zẹ uwa.

Aizaia 41:9 ပူးပေါင်းရင်းမြစ်များ

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Psalm 94:14

E Nọyaẹnmwa i ra he emwa rẹn yotọ, rẹn i ra fi iyeke gbe iran ni re ọghọe.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 41:2

“Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 44:1

E Nọyaẹnmwa khare wẹẹ, “Danmwehọ nian, Izrẹl ne ọguọmwadia mwẹ emwa mwẹ ne I hannọ zẹ ivbi uniẹn Jekọb.

Aizaia 45:4

Te imẹ zẹ uwẹ ne u yi Izrẹl ne ọguọmwadia mwẹ obọ avbe emwa ne imẹ hannọ zẹ I ya ọghọ nọkhua ne uẹn nẹ, a gha rhe miẹn wẹ u ma rẹn mwẹ.

Malakai 1:2

E Nọyaẹnmwa tama emwa rẹn wẹẹ, “Te I wa ho ẹmwẹ ruẹn ẹdẹdẹmwẹdẹ.” Sokpan, iran wanniẹn wẹẹ, “Vbe u a ghi ya rhiema hẹ ighe u gele ho ẹmwẹ mwa?” E Nọyaẹnmwa wanniẹn wẹẹ, “Etẹn ọkpa ọ re Isọ kevbe Jekọb gha khin, sokpan mẹ keghi hoo ẹmwẹ e Jekọb kevbe ivbi uniẹn ọnrẹn.

Iyẹn ne ọ Maan Ọghe Luk 13:29

Emwa gha ke odẹ ahọ kevbe orrie, odẹ okuọ kevbe ekẹn rre, iran ghi tota gha rri evbare vbe Arriọba Osanobua.

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.