Aizaia 41:27 - Edo Bible (E Baibol Ẹdo) Version 1996

²⁷ Mẹ ne Nọyaẹnmwa, mẹ ọ re ọ ka gha na iyẹn na ma Zaiọn; I giee ọmwa gha rrie Jerusalẹm ne ọ ya kha wẹẹ, ‘Emwa uwa dee, iran die owa.’

Aizaia 41:27 ပူးပေါင်းရင်းမြစ်များ

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 41:4

Gha ọ ru ẹe ne ọna na sunu yi? Gha ọ tae yotọ vbene emwi gha sunu hẹ? Mẹ ne Nọyaẹnmwa rre evba vbe omuhẹn. Mẹ ne Nọyaẹnmwa Osanobua gha vbe gha rre evba vbe ufomwẹ.

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Aizaia 48:12

E Nọyaẹnmwa khare wẹẹ, “Wa danmwehọ mwẹ, ivbi Izrẹl, emwa ne imẹ tiere, mẹ ọrọre Osanobua, okaro, okiekie ọkpa kẹkan ne ọre Osanobua.

Aizaia 48:3

E Nọyaẹnmwa tama Izrẹl wẹẹ, “Ọ kpẹre ne I ghi ta emwi ne ọ gha sunu yotọ. I keghi vbe ru ẹe vbe udomwurri ne ọ sunu.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”

Arhie Maan 2:8

“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.