Aizaia 41:23 - Edo Bible (E Baibol Ẹdo) Version 1996

²³ Tama ima emwi ne ọ rre ẹdẹ nakhuẹ ma ghi do rẹn ighẹ ẹbọ wa gele khin! Ru emwi esi ọkpa, ra gie ọkhọ sunu gie ima runran ne a gha guọ!

Aizaia 41:23 ပူးပေါင်းရင်းမြစ်များ

Aizaia 19:12

Ọba Igipt, avbe iran ni gu ọmwa zẹ iro ne avbe umẹwaẹn ruẹn ghi vbo yi? U gha ghe, iran gha sẹtin tama ruẹn ehe ne Nọyaẹnmwa ghae yi vbe ekpa Igipt.

Aizaia 42:9

Emwi ne I ta yotọ ọ re ọ do sunu na banbanna nian, I gha vbe ta ọvbehe ọghọgbọn ma ruẹn vbe iran te do gha sunu.”

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 45:3

I gha viọ emwi ighobioye guẹ kevbe avbe ẹkhokho ni so ebiebi rre, ẹghẹ nii ọ re u gha na rẹn wẹ mẹ ọrọre Nọyaẹnmwa. Kevbe wẹ Osanobua ọghe Izrẹl ọ re ọ so eni ruẹn ya tie ruẹ.

Aizaia 46:7

Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Daniẹl 2:9

te I ra wa ya abọkpa rri uwa hia oya adeghẹ wa ma sẹtin ta imina na ma mwẹ. Te uwa wẹ ne uwa gha ta ohoghe ma mwẹ rhunmwuda, ọ gha kpee kherhe wan, emwi hia gha fiwerriẹ. Wa ta nene imina ma mwẹ, ẹghẹ nii, I ghi rẹn wẹ wa gha vbe sẹtin ta emwi ne a yae kha ma mwẹ.”

Iyẹn ne ọ Maan Ọghe Jọn 13:19

I ta ẹmwẹ na ma uwa nian vbe ọ te do sunu, a i rẹn vbe ọ gha ghi sunu ne uwa miẹn ehe na rẹn wẹ, ‘Mẹ Tobọ Mwẹ Nọ.’

Iwinna 15:18

Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”