Aizaia 41:20 - Edo Bible (E Baibol Ẹdo) Version 1996

²⁰ Emwa gha miẹn ọna, iran ghi do rẹn wẹ mẹ ne Nọyaẹnmwa ọ re ọ ru emwi na, ọ ghi do vẹ ne iran rẹn wẹ, Osanobua nọhuanrẹn ọghe Izrẹl ọre ọ ru ẹe.”

Aizaia 41:20 ပူးပေါင်းရင်းမြစ်များ

Job 12:9

Iran hia rẹnrẹn ighẹ obọ e Nọyaẹnmwa ọ re ọ yi iran.

Psalm 109:27

Gie avbe eghian mwẹ rẹn wẹẹ, wẹ ọrọre ọmwa ne ọ miẹn mwẹ fan.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 40:5

Ẹghẹ nii, a ghi rhie uyi e Nọyaẹnmwa ne a miẹn, emwa ne agbọn hia gha vbe miẹn ọẹn e Nọyaẹnmwa tobọ ẹre yan ọna yotọ nẹ.”

Aizaia 41:4

Gha ọ ru ẹe ne ọna na sunu yi? Gha ọ tae yotọ vbene emwi gha sunu hẹ? Mẹ ne Nọyaẹnmwa rre evba vbe omuhẹn. Mẹ ne Nọyaẹnmwa Osanobua gha vbe gha rre evba vbe ufomwẹ.

Aizaia 43:15

Mẹ ọrọre Nọyaẹnmwa Osanobua ruẹ nọhuanrẹn mẹ ọ re ọ yi uwe Izrẹl mẹ ọ re ọ vbe re ọba ruẹ.”

Aizaia 43:21

Avbe emwa ni yii ne egbe mwẹ iran khin iran gha vbe so ihuan urhomwẹ mwẹ.”

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 66:14

Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Nọmbas 23:23

Ẹbo awan ọkpa i rrọ, ra azẹn, ne a gha sẹtin ya ru ẹvbo ivbi Izrẹl emwi emwa gha ta vbe ekpa Izrẹl wẹẹ, ‘U ma miẹn emwi ne Osa ru ne iran.’

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.