Aizaia 41:2 - Edo Bible (E Baibol Ẹdo) Version 1996

² “Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Aizaia 41:2 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

II Samuẹl 22:43

I dunmwu iran an, iran keghi yevbe ebubẹ, I ya owẹ rrilo iran muotọ, zẹ vbe ekẹn vbe orere.

II Ọba 13:7

E Jehoahaz ma ghi gha mwẹ emwi igbinna gberra arhin ekigbesiyeha ni hin ẹsin, ikẹkẹ okuo igbe, kevbe arhin arriaisẹn igbe (10,000) ni ye owẹ khian, rhunmwuda, ọba e Siria dunmwu enekpa a, ọ na gha ya owẹ rrilo iran ginna otọ zẹ vbe ekẹn.

II Krọnikol 36:23

“Vbenian ọre Sairọs ne Nọgbaisi e Pẹsia khare. E Nọyaẹnmwa ne Osanobua ọghe Ẹrinmwi, ọ re ọ ya mwẹ ma ọba yan otọe agbọn hia, ọ na vbe ya ẹe fian okhuo mẹ wẹ ne I bọ Ọgua Osa ne irẹn vbe Jerusalẹm vbe otọe e Juda. Rhunmwuda ọnii nian, wa hia ni re emwa Osanobua, wa gha rrie odọ nii, te Nọyaẹnmwa ne Osanobua uwa gha deba uwa.”

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Aizaia 40:24

Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Aizaia 41:25

“I hannọ orhiọnkpa ne ọ rre odẹ ahọ zẹ nẹ. I gha ru ẹe ne ọ ya la odẹ okuọ suẹn igbinna. Te ọ ya owẹ rrilo irriegie mu otọ, vbe ne a khakha ighẹ ọrho iran khin, zẹ vbene ọmakhe ya owẹ rrilo obuẹ.

Aizaia 41:3

Ọ zẹ iran khu, ọ kegha khian vbe a i mwẹ ẹbe, okhian kẹ ọ re sẹrriọ wẹ ọ yevbe ne ẹ i ya owẹ kan otọ.

Aizaia 42:6

“Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 48:15

Mẹ ọ re ọ guanrẹn, I na vbe tie ẹre I su ẹe ladian, I na vbe rhie akhọnmiotọ ne ẹẹn.

Eve Orriara 1:15

“E Nọyaẹnmwa gie ivbiyokuo mwẹ ni wegbe sẹẹ hia ọ gie ivbiyokuo do fuẹn avbe igbama mwẹ ọ keghi piẹnpiẹn avbe emwa mwẹ gbe ua vbene a minọ alimo vbe okọ ayọn.

Hibru 7:1

Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Arhie Maan 16:12

Iyeke ọnii, odibosa ne ogiehan keghi hihiẹ ọkpan ẹnrẹn yan ẹzẹ Yufretes. Ẹzẹ nii keghi wa ka, ne avbe ọba ni ke ọlarre ovẹn dee miẹn ehe la.

Arhie Maan 7:2

I keghi vbe bẹghe odibosa ọvbehe vbe ọ ke ọlarre ovẹn dee, ọ keghi rhie egba ne Osanobua ne ọ rrọọ ya yi emwi ama, mwẹ obọ, ọ keghi datie avbe odibosa enẹ ne Osanobua rhie ẹtin na, ne ọ ya dunmwu otọ agbọn kevbe okun uan.