Aizaia 41:18 - Edo Bible (E Baibol Ẹdo) Version 1996

¹⁸ I gha gie ẹzẹ gha lẹ vbe oke ni dihoi rua ivbi uhunmwu ẹzẹ gha vbe gha lẹ vbe uwu iya I gha ye ato khian avbe odighi amẹ.

Aizaia 41:18 ပူးပေါင်းရင်းမြစ်များ

Psalm 104:10

U gie ẹzẹ gha lẹ vbe uwu iya, ẹzẹ kegha lẹ la avbe oke.

Psalm 105:41

Ọ kie okuta nọkhua, amẹ na vẹ kua ọ keghi lẹ la ato gberra zẹ vbe ẹzẹ.

Psalm 107:35

Ọ fi avbe ato werriẹ khian odighi amẹ, avbe otọe ni kae, khian ẹzẹ ni lẹẹ.

Psalm 126:4

E Nọyaẹnmwa viọ ima werriegbe gha rrie otọe mwa, zẹ vbene amẹ ne ọ rhọ lẹ amẹ werriegbe ye avbe otọ ẹzẹ ni te ka!

Psalm 46:4

Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

Aizaia 12:3

Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Aizaia 30:25

Vbe ẹdẹ nii ne obọ gha vba owa ọkhẹ igbinna avbe eghian uwa ya mu, a na vbe gbele emwa iran, ẹzẹ gha lẹ ke dọmwadẹ oke nekhua kevbe avbe oke negiẹrẹ ladian.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 33:21

E Nọyaẹnmwa gha rhie uyi ẹre ma ima. Ma ghi do yin ọkpẹn avbe ẹzẹ nekhua kevbe negiẹrẹ ni vbẹe, sokpan avbe okọ ni gbinna i ra gua vbe avbe ẹzẹ nii.

Aizaia 35:1

Ato gha ghọghọ, avbe obobo gha rhan vbe avbe otọe ne ọ dihoi rua nii.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 48:21

Ẹghẹ ne Nọyaẹnmwa na viọ emwa la uwu ato ne ọ kae kevbe ne ọ tọn ovbamẹ ma gbe iran. Ọ gie amẹ ke uwu okuta vẹ ladian ne iran, ọ wa gha okuta yotọ, amẹ keghi vẹ ladian.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Zẹkaraia 14:8

Ọ gha sẹ ẹdẹ ne ẹdẹrriọ, amẹ ne ọ hianrẹn gha lẹ ke Jerusalẹm rre, obọ ọkpa vbọ gha lẹ ghe Okun nọwu, obọ ọkpa ghe Meditẹrrenian. te ọ ra wa lẹ ne ukpo gbe, vbe ẹghẹ orhọ kevbe uyunmwu.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”

Giọgis 15:19

Ẹre Osanobua na rhan ugboghodo ọkpa vbe otọ vbe Lẹhi vbe evba, amẹ keghi vẹ ladian vbọ. E Samsin keghi wọn, egbe na do gha ye ẹe ẹse. Ẹre iran na ghi gha tie ovbi ẹzẹ ni Hakọ; te ọ ye rre Lẹhi sẹ ẹdẹ nẹrẹ na.