Aizaia 41:16 - Edo Bible (E Baibol Ẹdo) Version 1996

¹⁶ Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 41:16 ပူးပေါင်းရင်းမြစ်များ

Psalm 1:4

Sokpan, avbe emwa dan i ye rrio hiehiere, iran yevbe ebe ne ọ kakae ne ẹhoho hoho khian.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 28:5

Ẹdẹ dee ne Nọyaẹnmwa ne Oghodua gha na yevbe ẹde obobo uyi ne emwa rẹn ni miẹn uhunmwu vbọ.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 40:24

Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 60:19

“Ovẹn i ghi ra gha re uwanmwẹ ruẹn vbe avan ọvbehe, ra ne uki gha re uwanmwẹ ruẹn vbe asọn, mẹ ne Nọyaẹnmwa ọ re ọ ra gha re uwanmwẹ ruẹn ọghe etẹbitẹ. Uwanmwẹ uyi mwẹ gha wan mu uwẹ egbe.

Aizaia 65:18

Gha sẹ ọyẹnmwẹ ne u vbe gha ghọghọ ye emwi ne I yi ẹdẹdẹmwẹdẹ. E Jerusalẹm ọgbọn ne I ra yi, te ọ ra vuọn ne oghọghọ, emwa ni rrọọ hia ghi vbe gha sẹ ọyẹnmwẹ.

Jerimaia 15:7

I filo uwa ku ẹhoho zẹ vbe ebe ne ọ kakae vbe ẹvbo ni rre otọe na hia. I fuẹn uwa a, wa ne emwa mwẹ, I gbele ivbi uwa, rhunmwuda, wa ma dobọ emwi dan ne uwa ru yi.

Jerimaia 51:2

I gha gie avbe orhunmwuyẹn ne iran ya mu e Babilọn rhia, zẹ vbe ẹhoho ne ọ kpolo ebe ne ọ kakae kua. Ẹdẹ omurhia gha rre, iran gha dekun ẹnrẹn vbe igienenẹ, iran ghi ya ẹe khian otọe ne ọ dihoi rua.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.