Aizaia 41:15 - Edo Bible (E Baibol Ẹdo) Version 1996

¹⁵ I gha ya uwa ru uhanhan ne a ya wiẹn emwi ne a halọ ise ọgbọn ni mu yi, wa gha wiẹn oke nekhua, wa gha rhia iran an. Avbe oke negiẹrẹ wiẹghua khian ebubẹ.

Aizaia 41:15 ပူးပေါင်းရင်းမြစ်များ

Job 41:30

Te ẹko ẹre yevbe avbe osọnmwehẹn, iran ghi gha wọlọ otọ ekhuọrhọ zẹvbe emwi ne a ya wiẹn ọka.

Psalm 18:42

I rẹnkhẹn iran an iran na do yevbe ebubẹ ne ẹhoho kpolo rriẹ. I ya owẹ rri iran ginna otọ zẹ vbe ọrho vbe adesẹ ore.

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 21:10

Wa ne Izrẹl ne emwa mwẹ, te a te gha wiẹn uwa vbe ọka, sokpan, banbanna nian, te I mẹ ghi do na iyẹn oghọghọ na ne imẹ vbe họn vbe ọghe Nọyaẹnmwa ne Oghodua ne Osanobua Izrẹl, ma uwa.

Aizaia 28:27

Ẹ i ye ovbi odo nọkhua gbe ogi ra erhẹrhẹ, sokpan, ọ ghi gha lo erhan ne ọ ma kpọlọ gbe ne ọ wa vbe rre ihe.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 42:15

I gha dunmwu oke negiẹrẹ kevbe nekhua I gha kaka irunmwu kevbe avbe erhan hia a I gha ya iya avbe ẹzẹ khian ato, I ghi si avbe odighi amẹ ka.

Aizaia 64:1

Vbọzẹ ne u ma na va iso ne u tuorre yi? Avbe oke nekhua gha te bẹghe ruẹ, iran ghi gha guọ ne ohan.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Habakọk 3:12

U khian la agbọn, u fian ẹn rra vbe ohu ruẹ, vbe ohu ruẹ nọkhua, u ya owẹ rrilo avbe uhunmwu ẹvbo mu otọ.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Jọsua 17:18

Wa ọ re ọ khian yan ẹvbo oke. A gha rhe miẹn wẹ ẹgbo nọ, wa gha fie ẹre ne uwa yae khian ọwua ke obọ ọkpa ya sẹ ehe ne ọ sẹe vbe obọ nọkpa. Zẹ vbene ọ kaẹn ivbi e Kenan, wa gha khulo iran ladian, a gha rhe miẹn wẹ iran mwẹ ikẹkẹ okuo ematọn, iran rhe vbe mwẹ ẹtin.”

Giọgis 6:16

E Nọyaẹnmwa keghi tama rẹn wẹẹ, “U gha sẹtin ru ẹe rhunmwuda te I ra ye uẹ obọ. Te u ra rẹnkhẹn ivbi Midian vbe ne a miẹn wẹ orhiọnkpa kẹkan nọ.”