Aizaia 41:11 - Edo Bible (E Baibol Ẹdo) Version 1996

¹¹ “Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 41:11 ပူးပေါင်းရင်းမြစ်များ

Ẹksọdọs 11:8

E Mosis keghi kha wẹẹ, “Ẹghẹ nii avbe ekhaẹmwẹ ruẹn na ghi bu mwẹ gha dee, iran ghi ya uhunmwu rhanmwẹ otọ mẹ wẹẹ, ‘Gha khian ke uwẹ kevbe emwa ruẹn. Iyeke ọnii, I ghi kpao.’ ” Ẹre Mosis na guọnmwẹ egbe kpao sẹ ọba Igipt rae.

Ẹksọdọs 12:29

Ọ ghi sẹ ogiasọn, e Nọyaẹnmwa keghi gbele avbe emọ ọdiọn nii rre Igipt, ke egbe ovbi ọba Igipt ne ọdiọn ne ọ ra rriọba lele ẹe kpao, sẹ egbe ọmọ ọdiọn ọghe oleghan ne ọ rre uwu ẹwẹdọ uhae, emọ ne avbe aranmwẹ ka biẹlẹ, a kevbe gbele ehia a.

Ẹksọdọs 23:22

Sokpan deghẹ wa họn ẹmwẹ ọnrẹn wa na vbe gha ru emwi hia ne I khare, I gha gu eghian uwa hia gbinna, I ghi mu aro igbinna da iran.

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 29:7

ẹkpo nii, avbe ivbiyokuo hia ọghe avbe ẹvbo ni gu ẹvbo Ogiukpo Osanobua gbinna, gha khian ne a ho bẹkun, emwi igbinna iran hia ke emwi ikhẹgbe, kevbe emwi hia fẹẹrẹ, gha khian ne a ho bẹkun zẹ vbe imina, zẹ vbe emwi ne a gha mu idandan rẹn vbe asọn.

Aizaia 29:8

Avbe uhunmwu ẹvbo hia ni si koko ne iran gu e Jerusalẹm gbinna, gha yevbe okpia ne ohanmwẹ gbe ne ọ minaẹn wẹ rẹn wa rri evbare, sokpan ọ keghi rhiọrre vbene ohanmwẹ na gbẹe, ra zẹvbe okpia ne ovbamẹ ra gbe ua, ne ọ minaẹn wẹ rẹn wọn amẹ, sokpan, ọ ghi rhiọrre, ẹho ẹre kakae.

Aizaia 34:12

Ọba i ghi ra gha rrọọ ne ọ gha khaemwisẹ yan otọe nii, avbe ọkaolotu ni rrọọ hia gha kpao.

Aizaia 40:17

Avbe uhunmwu ẹvbo ma sẹ emwi vbe aro ẹre.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 54:15

Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 12:17

Sokpan, a deghẹ uhunmwu ẹvbo okpa rrọọ ne ọ ma họn ẹmwẹ, mẹ gha wa vbọe fua fẹẹrẹ, I ghi fuẹn ọnrẹn ruan. Mẹ ne Nọyaẹnmwa ọ re ọ tae.”

Jerimaia 2:3

Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Iwinna 16:39

Iran keghi bu iran gha khian, iran na ya gbe I ma rẹn ma iran, iran keghi su iran ke uwu ẹwẹdọ ladian, iran na wẹ ne iran ke ẹvbo nii ladian.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.