Aizaia 41:10 - Edo Bible (E Baibol Ẹdo) Version 1996

¹⁰ Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:10 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

II Samuẹl 22:19

Ẹghẹ vbe I rre uwu ọlọghọmwa, iran kegha gun mwẹ khọn, sokpan, e Nọyaẹnmwa keghi degue mwẹ.

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

II Krọnikol 20:17

Ẹ i re uwa ọ re, ọ ra khọn okuọ na. Ma rhie ihẹ uwa ne uwa mudia, wa gha miẹn vbe Nọyaẹnmwa ra rhie akhọnmiotọ ne uwa. Ivbi e Juda kevbe Jerusalẹm, wa ghẹ si uhe ra ne afianma vbe fian uwa, wa ladian gha rrie okuọ, e Nọyaẹnmwa gha rrọọ yaba uwa!”

II Krọnikol 32:8

Ẹtin ọmwa ne agbọn kẹkan ọ re irẹn mwẹ sokpan, ma mwẹ, ẹtin ọghe Nọyaẹnmwa ne Osanobua mwẹ ne ọ gha gu ima khọn okuọ mwa.” Ẹmwẹ ne ọba iran tae na keghi rhie igiẹdu ne emwa nii.

Psalm 144:11

Miẹn mwẹ fan vbe obọ eghian mwẹ ne ekhọe dan fan mwẹ hin obọ ẹtin avbe orhunmwuyẹn, emwa ni i zẹdẹ ta ẹmwata. Ni ye vbe ta ohoghe ye emwi ne iran vẹn ihẹn yi nẹ.

Psalm 144:8

emwa ni i zẹdẹ ta ẹmwata, ni yevbe ta ohoghe ye emwi ne iran vẹn ihẹn yi nẹ.

Psalm 145:14

Ọ ru iyobọ ne iran ni rre uwu ibaro, ọ munọ iran ni dele kpaegbe.

Psalm 147:12

Jerusalẹm wa rho e Nọyaẹnmwa! E Zaiọn, wa rho Osanobua uwa!

Psalm 18:36

We ọ re ọ ma gie obọ gba mwẹ, mẹ ma he de ẹdẹ.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 37:17

rhunmwuda Nọyaẹnmwa gha ya ẹtin fo iran ne emwa dan, sokpan ọ ghi tan obọ gue emwa esi.

Psalm 37:24

Deghẹ iran de, iran i ra wa gha rre evba. Rhunmwuda e Nọyaẹnmwa gha silo iran kpaegbe.

Psalm 41:12

U gha yọmwẹ obọ rhunmwuda, emwi ne ọ gbae ọ re imẹ ru. U gha rhie mwẹ ye ehe ne u ye ẹdẹdẹmwẹdẹ.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 63:8

I sikan mu uwẹ obọ ruẹ keghi rhie mwẹ lẹre vbe a i mwẹ ẹbe.

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Ẹksọdọs 20:20

E Mosis keghi tama emwa nii wẹẹ, “Wa ghẹ fian afianma, te Osanobua do danmwẹ uwa kẹkan ne u wa miẹn ehe na gha mu ohan rẹn, ne u wa ghẹ ru oru khọ.”

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 37:6

ọ keghi giee ne a ya tama rẹn vbenian. “E Nọyaẹnmwa wẹ ne u ghẹ gie ivbi Asiria runran uwa vbe ne ọ gha na gha kha ighẹ e Nọyaẹnmwa I sẹtin miẹn uwa fan.

Aizaia 43:5

Ghẹ fian afianma, I rrọọ yaba ruẹ! “Ke odẹ orrie ne ọ rrei sẹẹ ehia, I gha viọ emwa ruẹn gha die owa.

Aizaia 44:2

Mẹ ọrọre Nọyaẹnmwa ne ọ yii uwa, ke ne a ya biẹlẹ uwa gha dee, te I gha yi uwa obọ wa ghẹ fian afianma, eguọmwadia mwẹ ọ re uwa khin emwa mwẹ ne I hannọọn zẹ ne I ho ẹmwẹ ọnrẹn.

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 50:9

E Nọyaẹnmwa ne Udazi tobọ ẹre ọre ọ mu ẹzọ mwẹ gui. De ọmwa ne ọ gha miẹn abe bu gbe mwẹ khekherriọ? A gha ho iran ni gun mwẹ gui hia bẹkun; a gha ho iran bẹkun zẹ vbe ukpọn ne errarra re.

Aizaia 52:7

U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Aizaia 60:19

“Ovẹn i ghi ra gha re uwanmwẹ ruẹn vbe avan ọvbehe, ra ne uki gha re uwanmwẹ ruẹn vbe asọn, mẹ ne Nọyaẹnmwa ọ re ọ ra gha re uwanmwẹ ruẹn ọghe etẹbitẹ. Uwanmwẹ uyi mwẹ gha wan mu uwẹ egbe.

Eve Orriara 3:57

U zẹmwẹ wanniẹn mwẹ, u keghi tama mwẹ wẹ, ne I ghẹ gie ohan mu mwẹ.

Daniẹl 10:12

Ẹre irẹn na tama mwẹ wẹẹ, “E Daniẹl, ghẹ gie ohan muẹn Osanobua họọn erhunmwu ruẹn nẹ ke ikpẹdẹ ne u tae ighe u gha mu egbe ruẹ rriotọ ne u miẹn ehe na gha mwẹ irẹnmwi. Erhunmwu ne u na ọ re ọ ya mwẹ gha die emwa.

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Hozia 1:9

E Nọyaẹnmwa keghi tama Hozia wẹẹ, “He ẹre ‘Loammai,’ ọnii nọ wẹẹ, ‘Ẹ i re emwa mwẹ,’ rhunmwuda ivbi Izrẹl i re emwa mwẹ, mẹ i vbe re Osanobua iran.”

Hagai 1:13

Ẹre Hagai na ta uhunmwu ne Nọyaẹnmwa gie ma emwa nii wẹẹ, “I gha gu uwa gha rrọọ, eyan ne I yan rẹn ọ re ọnii khin.”

Hagai 2:5

Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Iyẹn ne ọ Maan Ọghe Luk 1:13

Sokpan odibosa nii tama rẹn wẹẹ, “Ghẹ gie ohan mu ẹn Zẹkaraia, Osanobua họn erhunmwu ruẹn nẹ, Elizabẹt ne amwẹ ọẹn gha biẹ ọmọ okpia nuẹn. U ghi he ẹre Jọn.

Iyẹn ne ọ Maan Ọghe Luk 1:30

Odibosa nii na tama rẹn wẹẹ, “Ghẹ mu ohan Meri, Osanobua ruẹ ẹse nẹ.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Giọgis 6:16

E Nọyaẹnmwa keghi tama rẹn wẹẹ, “U gha sẹtin ru ẹe rhunmwuda te I ra ye uẹ obọ. Te u ra rẹnkhẹn ivbi Midian vbe ne a miẹn wẹ orhiọnkpa kẹkan nọ.”