Aizaia 41:1 - Edo Bible (E Baibol Ẹdo) Version 1996

¹ Osanobua khare wẹẹ, “Wa gbẹdọ ne uwa danmwehọ mwẹ wa ne otọe urria! Wa ne ẹvbo ni rre urria gban an. Wa mu egbe ne uwa ya rhan otọ egbe uwa vbe iko. A gha rhie otọ ne uwa ya guan wa gia miegbe ne a do ta ene ọ rri ase vbọ.

Aizaia 41:1 ပူးပေါင်းရင်းမြစ်များ

Job 38:3

Kpaegbe mudia nian, zẹ vbe okpia, ne u gha rhie ewanniẹn ye ọta ne I nọ ruẹn re.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 34:1

Wa larre, wa ne emwa ni rre uhunmwu ẹvbo hia. Wa do si koko, ne uwa danmwehọ. Gie uhunmwu otọ agbọn hia kevbe emwa ni rrọọ si koko ne iran danmwehọ.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 41:5

“Iran ni rre urria gban an miẹn emwi ne I ru nẹ. Iran runraẹn iran kegha guẹ ne ohan. Rhunmwuda ọnii, iran keghi si egbe koko iran na gha dee.

Aizaia 43:26

“Wa gie ima gha rrie iko ẹzọ, wa viọ ẹzọ ne uwa mwẹ ne uwa ra gui rre. Wa do ta ne unu uwa, ne uwa rhie ma ighẹ wa ma rria abe.

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 50:8

Rhunmwuda, Osanobua sikẹ mwẹ ọ gha kha wẹ I ma rriabe. De ọmwa ne ohan gha gie ẹe gunmwẹ gui yi? Wẹ ne ọ gie ima gba gha rrie iko wẹ ne ọ ba mwẹ ifi ẹzọ!

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.