Aizaia 40:6 - Edo Bible (E Baibol Ẹdo) Version 1996

⁶ Urhu ọkpa keghi tu ladian wẹẹ, “Ya tama iran!” Mẹ keghi nọ wẹẹ, “De emwi ne I ra tama iran yi?” “Tama iran wẹ te emwa nagbọn hia ye vbe irunmwu; iran i vbe tọ sẹ obobo oha.

Aizaia 40:6 ပူးပေါင်းရင်းမြစ်များ

Job 14:2

Ma ghi zẹgiẹgiẹ wan, a ghi vbe zẹgiẹ luẹluẹ kua zẹ vbe obobo a ghi ho ima bẹkun zẹ vbe obobo.

Psalm 102:11

Agbọn mwẹ yevbe aghọnghọn ota; I yevbe irunmwu ne ọ kakae.

Psalm 92:7

ọmwa dan sẹtin wan vbe irunmwu agbọn sẹtin maa iran ni ru emwi dan, sokpan, a gha fuẹn iran fo fẹẹrẹ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 37:27

Emwa ni rre evba nii keghi khian ni i ghi mwẹ ẹtin, iran runraẹn, iran keghi zeze. Iran keghi yevbe irunmwu ni rre oha, ra irunmwu ni zọ ye ẹrhunrhun owa, ehe ne ẹhoho ne ọ tọn ne ọ ke odẹ ahọ rre na guọnmwẹ iran.

Aizaia 40:3

Urhu ọkpa datu wẹẹ, “Wa gbẹn odẹ ye otọ khẹ e Nọyaẹnmwa vbe uwu oha! Wa gbẹn odẹ yotọ vbe uwu oha ne Osanobua mwa.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Zẹkaraia 1:14

Odibosa keghi tama mwẹ wẹ ne I ya mu ẹmwẹ ne Nọyaẹnmwa ne Oghodua ta ẹe ni go wẹẹ, “I mwẹ aho kevbe ẹnina nọkhua ghe Jerusalẹm ne ẹvbo mwẹ nọhuanrẹn.