Aizaia 40:29 - Edo Bible (E Baibol Ẹdo) Version 1996

²⁹ Rẹn ọ re ọ rhie ẹtin ne iran ne ẹtin fo kevbe ne egbe wọre.

Aizaia 40:29 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Nehimaia 6:9

Iran keghi te gha ho ne iran runran ima ne ima zẹ iwinna ni obọ. I keghi na erhunmwu wẹẹ, “Sokpan, banbanna nian, Osanobua, rhie iwegbe mẹ!”

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 68:10

Emwa ruẹn bọlọ owa iran ye evba, rhunmwuda umamwẹ ruẹn, u keghi kpehe ne avbe ivbiogue.

Psalm 68:35

Wẹ miẹn vbe Osanobua muohan hẹ vbe ọ die owa ẹre nọhuanrẹn Osanobua Izrẹl! Ọ rhie iwegbe kevbe ẹtin ne emwa rẹn! Wa rho e Nọyaẹnmwa!

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

II Kọrinti 4:16

Ọna ọre ọ si ẹe ne ẹtin i na fo mwa. A gha rhe miẹn wẹ ikinnegbe mwa heko wiẹghua khian, sokpan, orhiọn mwa ghi gha khian ọgbọn yọ ẹdẹgbegbe.

Diuteronomi 33:25

Te ọ gha ya onurho ematọn gba ogba ga avbe ẹvbo ẹre te ọ gha rrọ ẹghẹ hia vbe ne ai na fian afianma.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Giọgis 15:19

Ẹre Osanobua na rhan ugboghodo ọkpa vbe otọ vbe Lẹhi vbe evba, amẹ keghi vẹ ladian vbọ. E Samsin keghi wọn, egbe na do gha ye ẹe ẹse. Ẹre iran na ghi gha tie ovbi ẹzẹ ni Hakọ; te ọ ye rre Lẹhi sẹ ẹdẹ nẹrẹ na.

I Samuẹl 2:4

A bunnọ uhanbọ ivbiyokuo ni wo, sokpan, nọma wegbe kegha wo yọ.