Aizaia 40:28 - Edo Bible (E Baibol Ẹdo) Version 1996

²⁸ Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Aizaia 40:28 ပူးပေါင်းရင်းမြစ်များ

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

Job 38:18

We gha sẹtin mu idandan ọghe vbene agbọn na kpọlọ sẹ hẹ ra? Rhie ewanniẹn mẹ deghẹ u rẹn ọnrẹn.

Psalm 138:8

U gha ru vbene u yanrẹn hia, e Nọyaẹnmwa, etẹbitẹ ọ re ahoẹmwọmwa ruẹn khin, winna iwinna ne u suẹn nẹ fo.

Psalm 139:6

Vbene u rẹnmwẹ dinmwi gbe, ọ gberra ne I gha sẹtin rẹn otọ ẹre.

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 147:5

Nọkhua ke ne ọ mwẹ ẹtin ọ re Osanobua mwa khin; ai sẹtin gie ẹwaẹn ẹnrẹn.

Psalm 90:2

Vbe uwẹ te do yi avbe oke ra u te do ru ẹe ne agbọn gha rrọ wẹ ọrọre Osanobua etẹbitẹghori wẹ ọ re ọ vbe ra gha re Osanobua ẹdẹdẹmwẹdẹ.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 40:21

Wẹ ma rẹn ra? A ma tama ruẹn ke ẹkpo nii gha dee? Wẹ ma he họn vbene agbọn ya suẹn hẹ?

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 59:1

Wa ghẹ gha ro wẹ e Nọyaẹnmwa ma wegbe sẹ ne ọ gha miẹn uwa fan, ra wẹ ọ yin ehọ ẹ i sẹtin họn ugomwẹ ne uwa go gualọ iyobọ.

Aizaia 66:9

Ghẹ gha ro wẹ mẹ gha viọ emwa mwẹ sẹ ọ kẹe ekherhe ne a biẹ iran, ne I ghẹ vbe gia biẹ iran.” E Nọyaẹnmwa tae nẹ.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Iyẹn ne ọ Maan Ọghe Mak 16:14

Vbe okiekie ehia, Jesu keghi rhie egbe ma avbe erhuanegbe ne owọrọ vbe ehe ne iran na gha rri evbare, ọ keghi gu iran gui ba ẹmwẹ ne iran i na mwẹ iyayi kevbe wẹ ekhọe iran mu rri sẹ vberriọ ne iran ma na ya emwa ne ọ miẹn ọẹn vbe o rhiọrre nẹ yi.

Iyẹn ne ọ Maan Ọghe Mak 9:19

Jesu khama iran wẹẹ, “Wa izẹdẹ mwẹ iyayi hiehie re! Vbe I a gha kpee sẹ hẹ vbe ehe ne uwa ye? Vbe I a gha mu ẹmwẹ uwa wo egbe kpee sẹ hẹ! Rhie ne ọvbokhan gun mwẹ.”

Iyẹn ne ọ Maan Ọghe Luk 24:25

Jesu wanniẹn tama iran wẹẹ, “A miẹn vbe uwa kọn hẹẹ! A miẹn vbe ọ kpẹ uwa obọ hẹẹ ne uwa ya ẹmwẹ ne avbe akhasẹ tae yi!

Iyẹn ne ọ Maan Ọghe Jọn 14:9

Jesu wanniẹn wẹẹ, “Ne ima ke gba gha khian ke nẹkpo i mwẹẹ arria gha dee, wẹ ma he ye rẹn mwẹ Filip? Ọmwaikọmwa ne ọ miẹn mwẹ nẹ, ọ vbe miẹn Evbavba nẹ. Vbe uwẹ a ghi na kha hẹ wẹẹ, ‘Ma ima Evbavba.’

Iyẹn ne ọ Maan Ọghe Jọn 5:17

Jesu wanniẹn tama iran wẹẹ, “Te erha mwẹ wa winna ẹghẹ hia, ẹ i mwẹ mẹ ma vbe gha winna.”

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Ebe ne Pọl gbẹẹn gie emwa Rom 16:26

Vbene ọ rhirhi gha ye hẹ, banbanna nian, a rhie ẹmwata ni ladian azagba nẹ la ekpa emwi ne avbe akhasẹ gbẹnnẹ, kevbe zẹ vbe ne Osanobua etẹbitẹ yi ẹre iyi, a rhie ẹre ma uhunmwu ẹvbo hia nẹ, ne emwa hia miẹn ehe na yayi, ne iran vbe gha ya ẹe ru emwi.

I Kọrinti 2:16

Zẹ vbene ebe kha re: “De ọmwa ne ọ rẹn emwi ne ọ rre Nọyaẹnmwa ekhọe? Gha ọ gha sẹtin bu ẹre ude?” Vbene ọ rhirhi gha ye hẹ, ekhọe Kristi ọre ima mwẹ.

I Kọrinti 6:16

Ra wa ma rẹn ighẹ ọmwa ne ọ ku egbe ẹre kugbe ba igberagia ighẹ ọ ye egbe ẹre khian ọkpa ba ẹre nẹ? Ebe wa tae sẹsẹsẹ wẹ, “Iran eva ghi do gha re egbe ọkpa.”

I Kọrinti 6:19

Wa ma rẹn ighẹ owa Orhiọn Ne Ọ Huanrẹn ọ re egbe uwa khin, Orhiọn Ne Ọ Huanrẹn ne Osanobua rhie ne uwa, ne ọ rre uwu uwa? Wa i ghi re ọghe egbe uwa, ọghe Osanobua ọre uwa khin.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

Diuteronomi 33:27

Osanobua ọ re ne ọmiẹguan ne uwa de ẹdẹ ekuabọ etẹbitẹ ọ re, ẹre ọ da uwa yi. Ọ keghi khulo eghian uwa ladian vbene uwa ya sikẹ odaro. Ọ wẹ ne uwa wa dunmwu ehia a fẹẹrẹ.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”