Aizaia 40:26 - Edo Bible (E Baibol Ẹdo) Version 1996

²⁶ Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 40:26 ပူးပေါင်းရင်းမြစ်များ

Gẹnẹsis 1:14

Osanobua keghi kha wẹẹ, “Gie uwanmwẹ gha rre iso, ne ọ wannọ avan hin asọn rre, kevbe ne ọ rhiema, ẹghẹ ne ikpẹdẹ kevbe ukpo, kevbe ẹghẹ emwiukpo ya suẹn;

Gẹnẹsis 1:16

Ẹre Osanobua na yi uwanmwẹ nekhua eveva, ne owẹn gha kha yan avan, ne uki vbe gha kha yan asọn; ọ keghi yi avbe orhọnmwẹ ba ẹre.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 119:91

Emwi hia rrọọ do sẹ ẹdẹnẹrẹ na, rhunmwuda iyi ruẹ, rhunmwuda eguọmwadia ruẹ ọ re ehia khin.

Psalm 121:1

Me gha tọn aro mu ghe avbe oke nii. De ehe ne iyobọ mwẹ gha ke rre?

Psalm 19:1

U miẹn vbe iso rhie uyi Osanobua ma hẹ! Ọ na vbe rhie iwinna obọ ẹre ma fẹẹrẹ.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Aizaia 34:16

Gualọ uwu ebe ọghe emwi ne a yi ni rrọọ ọghe Nọyaẹnmwa ne uwa ghe vbene ọ kha hẹ. Ọkpa ne ai ra miẹn vbe uwu avbe emwi ne a yi na i rrọọ, ọkpa ne ẹi ra vbe gha mwẹ ogieva, ẹ i rrọọ. E Nọyaẹnmwa tae nẹ ne ọ gha ye vberriọ, rẹn ọ re ọ ra tobọ ẹre si iran koko.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 48:12

E Nọyaẹnmwa khare wẹẹ, “Wa danmwehọ mwẹ, ivbi Izrẹl, emwa ne imẹ tiere, mẹ ọrọre Osanobua, okaro, okiekie ọkpa kẹkan ne ọre Osanobua.

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.