Aizaia 40:24 - Edo Bible (E Baibol Ẹdo) Version 1996

²⁴ Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Aizaia 40:24 ပူးပေါင်းရင်းမြစ်များ

II Samuẹl 22:16

Ọ gie a miotọ emwi ni rre ototọ okun, a keghi we ẹyotọ agbọn rua ne emwa miẹn, ẹghẹ ne Nọyaẹnmwa na gu eghian rẹn gui, ọ keghi vannọ okan mu iran vbe ohu ẹre.

II Ọba 10:11

Ẹre Jehu na gbele etẹn Ehab ni ghi rre Jezrẹl hia, kevbe ivbi iyokuo ẹre, kevbe avbe ọse nii sikẹ ọre, kevbe avbe ohẹn, ọkpa ne a sẹ rae ye agbọn ẹ i rrọọ.

Job 21:18

Ra ne ọ hoho iran gha rrie zẹ vbe ebe ne ọkakae vbe uwu ẹhoho, ra zẹ vbe ebubẹ ne okpẹhoho bi gha rrie?

Job 4:9

Osanobua keghi ya ohu ẹre fuẹn iran an zẹ vbe okpẹhoho.

Job 8:17

Inian iran ghi kinnọ lẹga okuta, ọ ghi sikan mu avbe okuta nekhua.

Psalm 58:9

Vbe iran te rẹn, te a gha gbẹn iran kua vbe irunmwu. Osanobua gha hoho iran kua vbe ohu ẹre ne ọ wegbe, vbe iran ma he wulo.

Psalm 83:13

Zagha iran kua zẹ vbe ẹbe nọkakae ne ẹhoho hoho kua.

Itan 1:27

Ẹghẹ ne ọ gha na hihiẹ yan uwa zẹ vbe okpẹhoho, ọ ghi si ẹhoho dan ọghe ọlọghọmwa rre, wa ghi gha rre obalọ kevbe orriara.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 17:11

Gia kha wẹ iran gele gbọọ, iran na họn ebe ẹsẹse vbe owiẹ ne uwa gbọọ iran zẹẹ, wa i ra kọlọ ọmọ iran. Ọlọghọmwa kevbe obalọ ne ẹ i mwẹ ukhunmwu ọkpa ọ re uwa ra miẹn vbọ.

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Aizaia 37:7

E Nọyaẹnmwa gha ru ẹe ne ọgbaisi họn ẹmwẹ eso ne ọ gha ya ẹe werriegbe gha rrie ẹvbo ẹre, evba ọ re Nọyaẹnmwa gha na ru ẹe ne iran gbe ẹe rua vbe odọ.”

Aizaia 40:7

Irunmwu luẹluẹe, avbe obobo vbe fafaa vbe Nọyaẹnmwa a kha ne ẹhoho ya hoho iran. Emwa i vbe sun sẹ irunmwu.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 41:2

“Gha ọ rhie ne ọ khọnmiotọ ke owẹn owiẹ rre yi ne ọ na gie ẹe khọnmiotọ vbe ehe ne ọ rhirhi a la hia? Gha ọ gie ẹe khọn avbe ọba kevbe avbe uhunmwu ẹvbo muotọ? Umozo ẹre bẹlẹ ehia ku otọ vbene a gha kha wẹ ebubẹ ọ re iran khin. Ifẹnmwẹ ọnrẹn zagha iran, zẹ vbe ebe nọkakae vbe odaro ẹhoho.

Jerimaia 22:30

“A bu abe gbe ọmwa na nẹ ne ọ gha re ọmwa ne emọ gha wulo, ne ọ gha re ọmwa ne emwi i ra dunna na. Ẹ i ra gha mwẹ emọ ne ọ gha rriọba vbe Juda zẹ vbe iran ni mudia ye ihe Devid. Mẹ ne Nọyaẹnmwa ọ re ọ taa ẹe.”

Jerimaia 23:19

Okpẹhoho ọ re ohu ẹre khin, ẹhoho ne ọ wegbe ne ọ gha khọn la uhunmwu avbe emwa dan.

Hozia 13:15

Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Nahum 1:14

Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Zẹkaraia 9:14

E Nọyaẹnmwa gha ya egbe ladian vbe uwu ẹbu emwa rẹn; ọ gha fi uhanbọ ẹre zẹ vbe ayan.