Aizaia 40:2 - Edo Bible (E Baibol Ẹdo) Version 1996

² Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 40:2 ပူးပေါင်းရင်းမြစ်များ

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

Psalm 32:1

Afiangbe ọrọre ọghe iran ne a ya orukhọ iran bọ kevbe emwa ne a ye alagberra iran ma.

Psalm 85:3

u dobọ ohu ne a mu ghe iran yi, u keghi vbe gbe ibiẹ rriẹ vbe ohu ruẹ nọkhua.

Asan-Ibo 3:4

ọ rhie ẹghẹ yọ ne a ya ru akhiẹ, ọ rhie ẹghẹ yọ ne a ya ku,

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 14:3

E Nọyaẹnmwa gha rhan ivbi Izrẹl yotọ vbe obọ obalọ iran kevbe usẹ iran kevbe iwinna ne ọ wegbe ne a ya ẹtin munọ iran gha winna.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 54:15

Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 6:7

Ọ keghi ya ogiọnmwẹ erhẹn ẹyin nii kaan mwẹ akhuarhamwunu, ọ wẹẹ, “Ọnọna dekan ruẹn akhuarhamwunu nẹ, rhunmwuda ọnii, irriabe ruẹ fo nẹ, a vbe ya orukhọ ruẹ bọ ọ.”

Aizaia 61:7

Ekhue kevbe efaa ọghe uwa sẹ ufomwẹ. Otọe ọghe uwa ọ re uwa ghi ra gha ye a gha viọ ukhukhu eva ba ẹfe uwa oghọghọ uwa ghi gha rrọọ ẹdẹdẹmwẹdẹ.

Aizaia 66:13

I gha bọ uwa vbe Jerusalẹm zẹ vbene iye ọmọ bọ ovbi ẹre.

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 29:11

Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 51:10

E Nọyaẹnmwa khare wẹẹ, “Emwa mwẹ gha wee, iran wẹẹ, ‘E Nọyaẹnmwa rhie ma ighẹ ma ọ re ọ rri ase. Wa gia gha rrie Jerusalẹm ne a ya tama iran emwi ne Nọyaẹnmwa ne Osanobua mwa ru.’ ”

Eve Orriara 4:22

E Zaiọn rrii oya ye orukhọ ne ọ ru nẹ, e Nọyaẹnmwa i ghi ra sẹ mwa rae ye iwe ọvbehe. Sokpan, e Nọyaẹnmwa gha rri uwa oya, wẹ Idọm. Ọ gha we ruẹ uhe ua vbekpa emwi irriabe ne u ru.

Ezikiẹl 16:42

Ẹghẹ nii, ohu gha fo mwẹ vbe ẹko, I ghi hẹwẹ vbọ. I i ghi mu ohu ra ne ẹko ye gha khọ mwẹ ọvbehe.

Daniẹl 11:35

A gha gbele eso ua vbe uwu iran ne ọkaolotu ni wan nii, sokpan, a gha la ekpa emwi vberriọ khue avbe emwa nii huan. Erriọ ọ re ọ na ra wa gha khian vbe otọ, ọ te do sẹ ufomwẹ, ẹghẹ ne Osanobua mwa mwa yọ.

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Daniẹl 12:9

Rẹn keghi wanniẹn wẹẹ, “E Daniẹl te u gha do rrie, rhunmwuda, avbe ẹmwẹ na, a ma ho ne ọmwarhọkpa rẹn ẹmwẹ na, a ma ho ne ọmwarhọkpa rẹn ọnrẹn, te a vbe rhie ẹre lẹre ufomwẹ te do rre.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Daniẹl 9:2

Vbe ukpo ne okaro ne ọ rriọba, I kegha tie ebe nọhuanrẹn nii, I keghi vbe gha mu ẹmwẹ ukpo e kigbesiyenẹ ne Jerusalẹm ra wa ya gha re itowa ro, zẹ vbene Nọyaẹnmwa tama e Jerimaia ne akhasẹ.

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.

Hozia 2:16

Ẹghẹ nii ọ ghi dọlegbe gha tie mwẹ ọdọ ẹre, ẹ i ghi ra tie mwẹ e Baal ọghọe ọvbehe.

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Zẹfanaia 3:15

E Nọyaẹnmwa dobọ oya ne a rriọ ẹre yii nẹ, Ọ viọ avbe eghian ruẹn hia kpaa. E Nọyaẹnmwa ne ọba Izrẹl guẹ rrọọ, emwi ne u gha gu gha mu ohan i ghi rrọ nian.

Zẹkaraia 1:13

E Nọyaẹnmwa keghi ye avbe ẹmwẹ ni fu ọmwa ẹko rre rhie ewanniẹn ne odibosa nii.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 9:12

Wa ni rre iwe, ni ghi mwẹ idaehọ nian, wa werriegbe gha die owa. Te imẹ ghi tama uwa nian wẹ I gha ha ukhukhu eva ne uẹn, deba afiangbe ye oya ne u he re.

Iwinna 1:7

Jesu tama iran wẹẹ, “Ẹghẹ ne ọ khian gha khin, kevbe emwi ne ọ gha sunu, ẹtin Erha mwẹ mwamwa ẹn nẹ, ọ ma kan uwa hiehiere ne uwa rẹn ẹghẹ ne ọ khian gha khin.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.