Aizaia 40:19 - Edo Bible (E Baibol Ẹdo) Version 1996

¹⁹ Rẹn i yevbe amazẹ ne avbe emwa ni ru emwi mamaẹn, ne avbe igun ẹrọnmwọ ya igoru rhu a na vbe hẹnhọn ẹẹn yan esiliva vbe ototọ.

Aizaia 40:19 ပူးပေါင်းရင်းမြစ်များ

Psalm 135:15

Esiliva kevbe igoru, ọ re a ya mannọ ẹbọ avbe uhunmwu ẹvbo, obọ emwa nagbọn ọ re a ya mannọ iran.

Psalm 135:18

Te iran ni ru iran, kevbe iran ni mu ẹtin yan iran, gha a ye vbe ne amazẹ ne iran maẹn ye.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 2:8

Otọe iran vuọn ne amazẹ, emwi ne iran ya obọ iran ma ọ re iran ghi ghoo.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Jerimaia 10:9

Esiliva ni ke Spen rre a ya rhu amazẹ iran. Kevbe igoru ni ke Ufaz rre, iwinna ne avbe iran ni gue ona ye obọ ru a ya ukpọn ododo kevbe umẹ guee iran egbe, avbe iran ni do ukpọn ni guẹe ọ re ọ do ẹe.

Daniẹl 5:4

iran na gha go wan avbe ẹbọ ne a ya igoru, esiliva, oze, ematọn erhan, kevbe okuta ru.

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Giọgis 17:4

Sokpan rẹn kevbe dọlegbe viọ ẹre ne iye ẹe. Okhuo nii keghi viọ uri vbe igho nii, ọ keghi viọ ne igun ẹrọnmwọ, ọ keghi ya ẹe ru amazẹ ne a ya erhan ka ẹe, a keghi ya esiliva rhu ẹe. A keghi mu ẹẹn ye owa e Maika.