Aizaia 40:18 - Edo Bible (E Baibol Ẹdo) Version 1996

¹⁸ De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:18 ပူးပေါင်းရင်းမြစ်များ

Job 40:9

Wẹ wegbe vba mwẹ ra? Urhu ruẹ gha sẹtin vanhiẹn vba ọghomwẹ ra?

Psalm 113:5

ọmwa ọkpa ne ọ yevbe Nọyaẹnmwa Osanobua mwa i rrọ. Ehe ne ọ yo vbe odukhunmwu ọ re ọ ye,

Psalm 89:6

Ọmwa ne ọ ye vbe ruẹ irre ẹrinmwi Nọyaẹnmwa, avbe ekamakodin ẹrinmwi ne ọ re ne uwa gba re ọkpa i rrọ.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 89:8

E Nọyaẹnmwa Osanobua ne Oghodua, ọmwa ne ọ mwẹ ẹtin vbe uwẹ i rrọ vbe uwu emwi hia Nọyaẹnmwa, te uwẹ gia mu ẹtin yan.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 46:5

“De ọmwa ne uwa gha ya gie mwẹ yi? Erriọ Nọyaẹnmwa khare. Ọmwa ọvbehe ne ọ yevbe imẹ rrọ ra?

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Jerimaia 10:1

Ivbi Izrẹl, wa danmwehọ uhunmwu ne Nọyaẹnmwa gie gie uwa.

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Iwinna 17:29

Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa.

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.

Diuteronomi 4:15

“Ẹghẹ ne Nọyaẹnmwa na gu uwa guan vbe erhẹn Oke Sainai, wa ma bẹghe ama emwi rhọkpa, rhunmwuda ọnii nian, ne ọ miẹn ehe na fu uwa egbe, wa gia miẹn.

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.