Aizaia 40:15 - Edo Bible (E Baibol Ẹdo) Version 1996

¹⁵ Uhunmwu ẹvbo hia ma sẹ emwi rhọkpa vbe odaro e Nọyaẹnmwa, iran ma gberra ikpẹ amẹ ọkpa, te avbe otọe ne amẹ lẹga ni rre urria ye hogha zẹ vbe ikpekhae ọkpa.

Aizaia 40:15 ပူးပေါင်းရင်းမြစ်များ

Gẹnẹsis 10:5

Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Psalm 62:9

Te emwa yevbe uhiọnrọnmwẹ ihue, ke ne ọ kpọlọ kevbe ne ọ kanmwa, kẹkan ehia khin. Mu iran ye omwa iran i si uwan rhọkpa iran hogha sẹ uhiọnrọnmwẹ kẹkan.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 40:22

Ọmwa ne ọ tota ye ẹkete ẹre ọ re ọ ru ẹe vbe odukhunmwu agbọn, a ghi gberra iso, emwa ni rre ototọ ye giẹnrẹn vbe iranmwẹ ọ tan agbọn zẹ vbe ukpọn ne a taẹn zẹ vbe owa ukpọn ne ọ mwa ra dia.

Aizaia 41:5

“Iran ni rre urria gban an miẹn emwi ne I ru nẹ. Iran runraẹn iran kegha guẹ ne ohan. Rhunmwuda ọnii, iran keghi si egbe koko iran na gha dee.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Daniẹl 11:18

Vbe iyeke ọnii, ọ gha mu okuo gie avbe ẹvbo ni rre ọkpẹn okun, ọ ghi khọn nibun vbọ miẹn iran otọ. Sokpan, ọkaolotu ne ọ re ọrriọvbe gha khọn miẹn irẹn otọ, ọ ghi dobọ uhiomwẹ ọnrẹn yi vbe ẹmwata, ọ gha gbe uhiomwẹ ọba e Siria ye ọre egbe.

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.