Aizaia 40:14 - Edo Bible (E Baibol Ẹdo) Version 1996

¹⁴ De ọmwa ne Osanobua nọ ẹre ọta yi ne irẹn miẹn ehe na rẹn ra ne ọ rẹn otọ emwi ra ne ọ miẹn ehe na rẹn vbene a gha ru emwi hẹ?

Aizaia 40:14 ပူးပေါင်းရင်းမြစ်များ

Gẹnẹsis 1:2

Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

Job 21:22

Ọmwa gha sẹtin gha ma ẹre emwi ighẹ Osanobua ne ọ bu ohiẹn iran ni gbakhia?

Job 36:23

Orhiọnkpa i sẹtin tama Osanobua wẹ ghe emwi ne Ọ gha ru, ra ne ọ ba ẹre ifi ẹzọ wẹ Ọ ru emwi dan.

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Psalm 119:35

Gunmwẹ gha mu uhi ruẹ sẹ, rhunmwuda I miẹn ẹko rhiẹnrhiẹnmwẹ vbe uwu iran.

Aizaia 41:28

Ugbẹn vbe I tọn aro mu ghe avbe ẹbọ, ọkpa vbe uwu iran ne ọ miẹn ẹmwẹ ta i rrọọ; ọkpa vbe uwu iran ne ọ sẹtin rhie ewanniẹn ye ọta ne I nọrẹn i rrọ.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.