Aizaia 40:13 - Edo Bible (E Baibol Ẹdo) Version 1996

¹³ Ọmwa rhọkpa gha sẹtin tama e Nọyaẹnmwa emwi ne ọ gha ru ra? Gha ọ gha sẹtin ma ẹre emwi yi ra ne ọ bu ẹre ude?

Aizaia 40:13 ပူးပေါင်းရင်းမြစ်များ

Gẹnẹsis 1:2

Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

Job 21:22

Ọmwa gha sẹtin gha ma ẹre emwi ighẹ Osanobua ne ọ bu ohiẹn iran ni gbakhia?

Aizaia 41:28

Ugbẹn vbe I tọn aro mu ghe avbe ẹbọ, ọkpa vbe uwu iran ne ọ miẹn ẹmwẹ ta i rrọọ; ọkpa vbe uwu iran ne ọ sẹtin rhie ewanniẹn ye ọta ne I nọrẹn i rrọ.

Jerimaia 23:18

I khare wẹẹ, “Ọkpa vbe uwu avbe akhasẹ na ne ọ he rẹn iro ẹkhokho ekhọe Nọyaẹnmwa i rrọọ, ọkpa ne ọ he họn uhunmwu ne ọ gie ra emwi ne ọ yae kha i rrọọ, ne ọ vbe danmwehọ ra ne ọ zẹye ẹmwẹ ne ọ he ta i rrọọ.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 1:13

Iran ma khian ivbi Osanobua rhunmwuda ighe erriọ a wa yi ẹe, ra rhunmwuda ighe erha iran biẹlẹ iran ye agbọn na nẹ, Osanobua tobo ẹre ọrọre Erha iran.

Ebe ne Pọl gbẹẹn gie emwa Rom 11:34

Zẹ vbene ebe tae: “De ọmwa nọ rẹn ekhọe Nọyaẹnmwa? De ọmwa nọ bu ẹre ude?

I Kọrinti 2:16

Zẹ vbene ebe kha re: “De ọmwa ne ọ rẹn emwi ne ọ rre Nọyaẹnmwa ekhọe? Gha ọ gha sẹtin bu ẹre ude?” Vbene ọ rhirhi gha ye hẹ, ekhọe Kristi ọre ima mwẹ.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.