Aizaia 40:12 - Edo Bible (E Baibol Ẹdo) Version 1996

¹² A gha miẹn ọmwa ne ọ gha ye atataobọ mwa amẹ okun ra ne ọ ya obọ mwa iso? A gha miẹn ọmwa ne ọ gha ya ukpu mu ekẹn ne otọe, ra ne ọ ya omwa mwa avbe oke nekhua kevbe negiẹrẹ?

Aizaia 40:12 ပူးပေါင်းရင်းမြစ်များ

Job 28:25

Ẹghẹ ne Osanobua na rhie ẹtin ẹhoho ne ẹẹn, ne ọ na vbe mwa vbene okun gha kpọlọ sẹ hẹ.

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Jerimaia 31:37

Ẹdẹ ne a gha miẹn wẹ a sẹtin mwa iso a na vbe gualotọ ẹyotọ agbọn miẹn, ẹghẹ nii ọkpa ọ re irẹn gha na he Izrẹl ne emwa irẹn. Rhunmwuda emwi ne iran ru hia. E Nọyaẹnmwa guaan nẹ.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.