Aizaia 4:6 - Edo Bible (E Baibol Ẹdo) Version 1996

⁶ Uyi ẹre gha degue ẹvbo nii, hin owowo avan rre, ọ ghi ya ẹe khian ehe ne ẹbe i ye, ne a degue hin obọ amẹ kevbe okpẹhoho rre.

Aizaia 4:6 ပူးပေါင်းရင်းမြစ်များ

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 55:8

Te I gha zẹgiẹgiẹ kpao, ne I ya gualọ ehe ne a lẹre yi ne egbe mwẹ hin ogbigbi ẹhoho kevbe ẹhoho amẹ.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 25:4

Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 32:1

Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Arhie Maan 7:16

Ohanmwẹ i ghi gbe iran ọvbehe, ohanmwẹ amẹ i ghi vbe gbe iran, ovẹn ra emwi owowo ne ọ rhirhi gha khin, ghi gbe iran ọvbehe.