Aizaia 4:2 - Edo Bible (E Baibol Ẹdo) Version 1996

² Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 4:2 ပူးပေါင်းရင်းမြစ်များ

Psalm 67:6

Otọe mọ umọmwẹ ọnrẹn ladian nẹ Osanobua, Osanobua mwa fiangbe ima nẹ.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Ẹksọdọs 28:2

U ghi se ẹwu ne ọ huanrẹn ne Errọn ne ọtuẹn ne ọ gha re ọghe ọghọ kevbe ose.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 53:2

Iho ọghe Nọyaẹnmwa nọ wẹ, ne ọguọmwadia ẹre wan zẹ vbe erhan ne ọ zọre vbe otọe ne ọ kae. Ọ ma zogọ, ẹ i vbe mose a ma wẹ a gha miẹn emwi ọkpa ne ọ gha gie ima gha ghe ẹre. Ọsughe ọkpa ivbi rre ọre egbe, emwi ne ọ gha si ima sikẹ ọre i rrọọ.

Aizaia 60:15

“A i ghi ra he uwẹ yotọ ra ne a gha khu iwu ruẹ, ẹvbo ne a na lẹkua, ne ọ dihoi rua, I gha ya a khian nọkhua kevbe ne ọ mose ehe oghọghọ ẹdẹ kevbe ẹdẹdẹmwẹdẹ.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Ezikiẹl 34:29

I gha mu otọ ne ọ maa emwiokọ ne iran, I ghi vbe dobọ ohanmwẹ yi vbe otọe nii. Avbe uhunmwu ẹvbo nekpa i ghi ra dọlegbe kpe amisikan ku iran ọvbehe.

Ezikiẹl 36:8

Sokpan, avbe erhan gha ye dọlegbe zọ, iran ghi vbe zẹ ebe vbe uhunmwu oke Izrẹl, iran gha mọ ne uwa, ivbi Izrẹl ne emwa mwẹ. Wa gha dọlegbe gha die owa vbe ọ ma he kpee wan.

Ezikiẹl 7:16

Eso gha lẹ la uhunmwu oke zẹvbe avbe idu ne a runraẹn ladian vbe uwu iya. Dọmwadẹ ọghọe gha khiẹ ye orukhọ ẹre.

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Obedaia 1:17

“Sokpan, eso gha lẹ fe vbe Oke Zaiọn ọ ghi gha re ehe nọhuanrẹn. Ivbi uniẹn e Jekọb gha dọlegbe yan otọe ne ọ re ọghe obọ iran.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

Matiu 24:22

Sokpan Osanobua fian inu ẹdẹ ne ọ ra ya vbe otọ kanmwa nẹ. Akpawẹ ọ ma fian ẹdẹ ni kanmwa, orhiọnkpa ne ọ gha miẹn uhunmwu, ẹ i rrọọ. Sokpan Osanobua gha rhunmwuda iran ne ọ hannnọ zẹ fian ẹdẹ ni kanmwa.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

II Pita 1:16

Rhunmwuda, ẹ i re umaranmwẹ ne a zẹ ta, ma mu ẹtin yan, vbe ima rhie urremwẹ ẹtin ọghe Nọyaẹnmwa Jesu Kristi ma uwa. Aro ima ọre ima ya miẹn ukpọlọmwẹ ọnrẹn.