Aizaia 39:2 - Edo Bible (E Baibol Ẹdo) Version 1996

² E Hẹzekaia keghi gbe ọbokhian ne iran, ọ na ma iran ẹfe ne irẹn mwẹ hia, avbe esiliva kevbe igoru ẹre, avbe ori ni winhin, kevbe avbe emwi ne ivbiyokuo ya khọn okuo. Emwiọkpa i rre avbe aza ẹre ra eheikehe vbe otọ arriọba ẹre ne ọ ma viọ ma iran.

Aizaia 39:2 ပူးပေါင်းရင်းမြစ်များ

I Ọba 10:10

Ẹre ọba okhuo e Siẹba na viọ igoru ne ọ sẹ omwa etọni isẹn ne Solomọn, deba emwi ni winhin kevbe ikpẹrọnmwọ. Emwi ni winhin ne ọ viọ ne ẹẹn, ọrọre ne ọ he bun sẹ ne ọ he ka miẹn ẹdẹ ẹsẹse.

I Ọba 10:15

Ọna kegha re ne ọ deyan emwi ne ọ miẹn vbe igho uhunmwu ne ọ fian ne iran ni do ẹki, ere ne ọ miẹn vbe ẹki kevbe emwi ne avbe ọba Arebia ya mu ohan kevbe avbe ogie isi ni rre otọe Izrẹl.

I Ọba 10:2

Ọ keghi rre ke irẹn kevbe eguọmwadia ni bun, deba avbe ekẹtẹkẹtẹ ne a kun emwi ni winhin yan, kevbe igoru ọrhẹnrhẹn. Iran ghi vba egbe, okhuo nii keghi nọ rẹn ọta ni bun ni lọghọ ne ọ ghi ye rre hia.

I Ọba 10:25

Emwa ni rre hia ghi gha ha oko gie ẹe, avbe esiliva, igoru, ẹwu, emwi igbinna, emwi ni winhin, ẹsin kevbe ekẹtẹkẹtẹ. Erriọ ọ re ọ wa gha ye ke ukpo dinna ukpo.

II Ọba 20:13

E Hẹzekaia keghi miẹn iran yi, ọ na vbe ma iran ẹfe irẹn hia, esiliva ẹre, igoru ẹre oziza kevbe ori ni winhin ne ọ mwẹ, kevbe emwi ne ivbi iyokuo ẹre ya gbinna. Emwi ọkpa i vbe rre aza ẹre ra otọe arriọba ẹre ne ọ ma ma iran ẹre.

II Krọnikol 32:25

Sokpan, e Hẹzekaia keghi hio sẹrriọ wẹ ọ ma sẹtin kpọnmwẹ ye ẹse ne Nọyaẹnmwa ru ne ẹẹn, e Juda kevbe Jerusalẹm keghi rrioya ye emwi na ẹsẹse.

II Krọnikol 32:27

E Hẹzekaia ne ọba keghi do fe ẹsẹse, emwa hia na gha ya ọghọ nẹẹn. Ọ kegha bọlọ aza ne ọ hẹ emwi ẹnrẹn yi; igoru, esiliva, ikpẹrọnmwọ, emwi ni winhin, asa kevbe avbe emwi ighobioye ọvbehe ne ọ mwẹ hia.

II Krọnikol 32:31

Uhin ẹghẹ ne emwa ne a gie ke Babilọn rre na do nọ ọta vbe ekpa ogiemwi eso ne ọ sunu vbe otọe ni, Osanobua keghi gie Hẹzekaia khian vbene ọ khọn rẹn, ne ọ miẹn ehe na ghe vbene uyinmwẹ ọnrẹn ye hẹ.

II Krọnikol 9:1

Otiti e Solomọn keghi do gha sẹ ehe ne Ọba Nokhuo e Siẹba ye, rẹn kegha rrie Jerusalẹm ne ọ ya mu ibo ne ẹẹn san. Ọ keghi viọ eguọmwadia ni bun ba egbe gha dee, ke ẹe kevbe ekẹtẹkẹtẹ ni bun ne a ya kun emwi ni winhin, ikpẹrọnmwọ kevbe igoru ọrhẹnrhẹn. Rẹn vbe Solomọn ghi miẹn egbe, ọ kevbe nọ rẹn ọta hia ni ghi rre ọre ekhọe.

II Krọnikol 9:9

Okhuo nii keghi viọ emwi izẹọhẹ ne ọ hẹ rre ne Solomọn. Ọ te ra wa sẹ etọni igoru isẹn deba emwi ni winhin kevbe ikpẹrọnmwọ ọrhẹnrhẹn. A ma he miẹn emwi ni winhin ni mose vbe egbe ne ọba nokhuo e Siẹba viọ ne Solomọn.

Job 31:25

ra ne I ya ẹfe mwẹ gha hio.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

I Jọn 1:8

Deghẹ ma khare ighẹ ma i mwẹ orukhọ, te ima rẹrẹ egbe mwa, ẹmwata i vbe rre uwu ima.