Aizaia 38:8 - Edo Bible (E Baibol Ẹdo) Version 1996

⁸ U gha sẹ inianwẹ ne ọba Ehaz so, e Nọyaẹnmwa gha ya inianwẹ igbe fian aghọnghọn kanmwa.” Aghọnghọn keghi gele ya inianwẹ igbe fian egbe ẹre kanmwa.

Aizaia 38:8 ပူးပေါင်းရင်းမြစ်များ

II Krọnikol 32:24

Vbe odẹ ẹghẹ na, e Hẹzekaia ne ọba kegha khuọnmwi te ọ ghi te ra wu; ọ keghi na erhunmwu, e Nọyaẹnmwa keghi rhie ama ma rẹn wẹ ọ gha fe.

II Krọnikol 32:31

Uhin ẹghẹ ne emwa ne a gie ke Babilọn rre na do nọ ọta vbe ekpa ogiemwi eso ne ọ sunu vbe otọe ni, Osanobua keghi gie Hẹzekaia khian vbene ọ khọn rẹn, ne ọ miẹn ehe na ghe vbene uyinmwẹ ọnrẹn ye hẹ.

Aizaia 38:9

Ugbẹn vbe Hẹzekaia ghi fee nẹ vbe emianmwẹ ne ọ khuọnmwi, ọ keghi gbẹn ihuan urhomwẹ na.

Aizaia 7:11

“Nọ e Nọyaẹnmwa ne Osanobua ruẹ wẹ ne ọ rhie ama nuẹn. Ọ sẹtin gha re ke ehe ne dinmwidinmwi ne avbe orinmwi ye gha dee, ra ke odukhunmwu reghe gha dee.”

Matiu 16:1

Avbe Farisi kevbe Sadusi eso keghi bu ẹre rre. Iran gualọ odẹ vbene iran gha ya rhọ ẹre ye obọ hẹẹ. Iran nọ rẹn wẹẹ ne ọ winna iwinna ọyunnuan ọkpa ma iran ne ọ ya rhie ma ighe Osanobua rhie obọ ye iwinna rẹn.

Giọgis 6:17

E Gidiọn keghi wanniẹn wẹẹ, “A deghẹ ẹko ruẹ rhiẹnrhiẹn ghe mwẹ, ye emwi zẹ ama ya rhie ma wẹ wẹ ọ re ọ gele gunmwẹ guan.