Aizaia 38:3 - Edo Bible (E Baibol Ẹdo) Version 1996

³ “Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Aizaia 38:3 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

I Ọba 15:14

A gha rhe miẹn wẹ ama guọghẹ aroẹbọ avbe ni ga ẹbọ, Asa keghi wa gha ru emwi ne ọ yẹ e Nọyaẹnmwa vbe ẹdẹ agbọn rẹn hia.

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

II Ọba 18:3

Ọ keghi ru emwi ne ọ yẹ e Nọyaẹnmwa zẹ vbene e Devid ne erha ẹe odede ru.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:19

Rhie ekhọe ne ọ mu egbe vbe ẹghẹ hia ne ọ ya ru vbene iyi ruẹ khare ne Solomọn ne ovbi mwẹ, ne ọ bọ Ọgua Osa na ne I rhọ emwi ẹnrẹn ye otọ na.”

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

II Krọnikol 25:2

Ọ ru emwi ne ọ yẹ e Nọyaẹnmwa, sokpan omaro omaro ọ re ọ gbe ya ruẹe.

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Nehimaia 13:14

Osanobua mwẹ, ghẹ mianmian emwi ne I ru ne Ọgua Osa ruẹ na. Kevbe ugamwẹ ọnrẹn.

Nehimaia 13:22

I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Psalm 101:2

Uyinmwẹ mwẹ gha re ne ẹ i mwẹ abaku, de ẹghẹ ne u gha ya bu mwẹ rre? I gha yin uyinmwẹ ne ọ khuiae vbe owa mwẹ.

Psalm 102:9

Rhunmwuda ohu kevbe okuosu ruẹ, emuẹn ọre ọ ghi re evbare mwẹ, ameve mwẹ ghi gha kharha gua amẹ ne I wọn. U gua mwẹ rhie, u ke fi mwẹ fua.

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Psalm 16:8

Ẹghẹ hia mẹ ya rẹn wẹ, Nọyaẹnmwa rre emwa na. Ọ sikẹ mwẹ, emwi ne ọ gha mu mwẹ rueghe ighi rrọ.

Psalm 26:3

Aho ẹmwẹ ọmwa ruẹn ne ẹi beghe ọ re ọ su mwẹ khian. A gia mu ẹtin yan ọwuẹ ọ re ọ ma mwẹ odẹ khian.

Psalm 32:2

Afiangbe nọ ne ọmwa ne Nọyaẹnmwa ma ka abakuru ye ọre owẹ. Kevbe ne ẹi mwẹ erẹrẹ hiehiere.

Psalm 6:6

Akhiẹ dunmwu mwẹ uan nẹ, asọn asọn ọ re ukpo mwẹ ya lẹ amẹ, ameve keghi ro ye ukohunmwu mwẹ.

Psalm 6:8

Wa kpao vbe ehe ni I ye rre, emwa dan, E Nọyaẹnmwa họn eve mwẹ nẹ.

Aizaia 38:2

E Hẹzekaia keghi werriẹ aro da ekẹn, ọ keghi na erhunmwu wẹẹ,

Aizaia 38:4

Ẹre Nọyaẹnmwa na tama Aizaia

Hozia 12:4

Ọ gu odibosa khọn, obọ ẹre keghi ke ukhunmwu. Ọ keghi viẹ, ọ na nọ afiangbe. Osanobua keghi bu erha ima odede ighe Jekọb rre vbe Bẹtẹl, ọ na do gu ẹe guan.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Diuteronomi 6:18

Wa gha ru ne Nọyaẹnmwa khare ighẹ ọgbae, ọ vbe kei, agbọn gha maa uwa. Wa gha sẹtin yan otọe ni ne ọ ma emwi okọ ne Nọyaẹnmwa ve avbe erha uwa odede re.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.