Aizaia 38:20 - Edo Bible (E Baibol Ẹdo) Version 1996

²⁰ E Nọyaẹnmwa, u mu mwẹ egbe rran nẹ. Ma gha kpe akpata so ihuan urhomwẹ ruẹn ma gha so ihuan rho ruẹ vbe uwu Ọgua Osa ruẹ la inu ẹghẹ ne ima gha ya vbe agbọn.

Aizaia 38:20 ပူးပေါင်းရင်းမြစ်များ

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 116:2

Ọ danmwehọ mwẹ, vbe ẹghẹ ne I rhirhi na ya kpe tie ẹre hia.

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 145:2

Mẹ gha kpọnmwẹ ọn ẹdẹgbegbe, I gha rho ruẹ ẹdẹ kevbe ẹdẹdẹmwẹdẹ.

Psalm 146:2

Mẹ gha rho ruẹ vbe ẹghẹ ne I ya rre agbọn; I gha so ihuan ghe Osanobua mwẹ, vbe ẹdagbọn mwẹ hia.

Psalm 150:4

Wa ye ema kevbe iku rho ẹre, wa ye akpata kevbe okpe rho ẹre.

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Psalm 33:2

Wa ye emwi ihuan ne ọ mwẹ irri so ihuan.

Psalm 51:15

Yọmwẹ obọ ne I guan Nọyaẹnmwa, mẹ gha vbe gha rho ruẹ.

Psalm 68:24

Osanobua, emwa hia bẹghe ọbọbọ akhọnmiotọ ruẹ, vbe ne Osanobua, ọba mwẹ ya na na la uwu owa ne ọ huanrẹn ọghọe hẹ.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Jona 2:10

Ẹre Nọyaẹnmwa na tama ehẹn ne ọ ya kpa e Jona ye otọ vbe oke ọ keghi gele ru vberriọ.

Habakọk 3:19

E Nọyaẹnmwa ne Udazi rhie iwegbe mẹ. Ọ ya owẹ mwẹ wo ye ulẹ zẹ vbe ẹrhuẹ; ọ keghi ya mwẹ di avbe oke nekhua ya, vbe a i mwẹ ẹbe.