Aizaia 38:2 - Edo Bible (E Baibol Ẹdo) Version 1996

² E Hẹzekaia keghi werriẹ aro da ekẹn, ọ keghi na erhunmwu wẹẹ,

Aizaia 38:2 ပူးပေါင်းရင်းမြစ်များ

I Ọba 8:30

Rhie ehọ ye erhunmwu mwẹ kevbe erhunmwu emwa ruẹn vbe iran a do na erhunmwu vbe emwa na. U ghi họn urhu mwa vbe owa ruẹ vbe ẹrinmwi ne u yabọ mwa.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.