Aizaia 38:19 - Edo Bible (E Baibol Ẹdo) Version 1996

¹⁹ Emwa ni rre agbọn ọ re ọ rho ruẹ, zẹ vbene I rho ruẹ na. Erha emọ tama emọ vbene u maa hẹ.

Aizaia 38:19 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Psalm 118:17

I i wu, sokpan, te I ra gha rre agbọn I ghi gha na iyẹn emwi ne Nọyaẹnmwa ru mẹ.

Psalm 119:175

Rhie arrọọ mẹ ne I sẹtin gha rho ruẹ, ne igiodẹ ruẹ vbe gha yọmwẹ obọ.

Psalm 145:4

A gha tian emwi ne u he ru, ke orre ọkpa ya sẹ ne ọ lele ẹe, iran gha ta ọta iwinna nekhua ruẹ.

Psalm 146:2

Mẹ gha rho ruẹ vbe ẹghẹ ne I ya rre agbọn; I gha so ihuan ghe Osanobua mwẹ, vbe ẹdagbọn mwẹ hia.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Joẹl 1:3

Wa talọ ẹe ma avbe ivbi uwa, iran gha vbe talọ ẹe ma avbe ivbi iran, enii ghi vbe talọ ẹe ma avbe orre ne ọ ghi vbe diake ẹe.

Iyẹn ne ọ Maan Ọghe Jọn 9:4

Te imẹ gha winna iwinna ọmwa ne ọ gie mwẹ vbe ẹdẹ ma he mu, ebiebi gha he so vbe nẹ ọmwaikọmwa i ghi ra na sẹtin winna.

Diuteronomi 11:19

Wa ma avbe ivbi uwa ẹre. A ghi gha ta ẹe khian vbe owa, kevbe odẹ, vbe uwa a gha hẹwẹ kevbe uwa a gha winna.

Diuteronomi 4:10

Vbene uwa mudia vbe odaro Nọyaẹnmwa hẹ vbe Oke Sainai, ẹkpo ne ọ na khama mwẹ wẹẹ, ‘Si avbe emwa ni koko. I ho ne iran họn ẹmwẹ ne I ra ta, ne iran miẹn ehe na gha mu ohan mwẹ iran te ya wu, ne iran vbe miẹn ehe na ma ivbi iran re ne iran gha mu ohan mwẹ.’

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 6:7

Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.