Aizaia 38:16 - Edo Bible (E Baibol Ẹdo) Version 1996

¹⁶ E Nọyaẹnmwa, I gha lo ẹdẹ agbọn mwẹ nuẹn wẹ ọkpa kẹkan; mu mwẹ egbe rran ne u gunmwẹ gha rre agbọn.

Aizaia 38:16 ပူးပေါင်းရင်းမြစ်များ

Psalm 119:25

I lovbiẹ ye uwu ebubẹ ne a gbe mwẹ fi, huẹn mwẹ zẹ vbene u yan rẹn.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 30:3

u fan mwẹ vbe obọ idin. I te khian rriẹ ne vuun nẹ vbe uwu otọ u keghi dọlegbe rhie arrọ mwẹ mẹ.

Psalm 39:13

Rhie obọ hin mwẹ ẹkun rre, ne I vbe fanmwegbua kherhe, a te do miẹn wẹ, I kpao gha rriẹ vbene a i ghi na miẹn mwẹ ọvbehe.

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Matiu 4:4

Jesu wanniẹn tama rẹn wẹẹ, “Agbẹn ọẹn ye otọ nẹ wẹ, ‘Eka ọkpa i sẹ ọmwa ya egbe yan vbe ẹ i re ẹmwẹ ne ọ ke unu Osanobua rre.’ ”

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Diuteronomi 8:3

“Ọ ye ovbamẹ gbe uwa, ọ na do rhie mana ne uwa re, evbare ne uwa kevbe avbe erha uwa odede ma he re ẹdẹ. Te ọ ru ọna rhie ma uwa wẹ evbare ọkpa ma sẹ ne ọmwa ye egbe yan ne ọ ya gha rre agbọn, emwi ne ọ khẹ ke ọmwa ọrọre ẹmwẹ ne Osanobua ta ẹe.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.